Bloomberg Milyarderlər İndeksinə görə, Musk-ın sərvəti bir anda 50 milyard dollar artaraq 439.2 milyard dollara yüksəlib. Bu artımın əsas səbəbi SpaceX səhmlərinin xüsusi satışından sonra bazar dəyərinin 350 milyard dollara çatması olub. Bildirilir ki, Musk şirkətin 42%-nə sahibdir. Elon Musk-ın dünyanın ən zəngin insanları siyahısındakı mövqeyi Tesla-nın səhmlərindəki dəyişikliklər səbəbindən dəyişiklik göstərib. Lakin Musk son olaraq may ayından bəri 1-ci mövqeyi qoruyub saxlayır.

     Xüsusilə Tesla səhmlərindəki artım Musk-ın sərvətinin artmasının əsas səbəblərindən biridir. Tesla səhmləri, Trump-ın sürücüsüz avtomobillərin istifadəsini asanlaşdıracağı və Tesla-nın rəqiblərinə üstünlük verən elektrikli avtomobil təşviqlərini ləğv edəcəyi gözləntiləri ilə seçkiqabağı dövrdən bu yana təxminən 65% artıb. Forbes tərəfindən yayımlanan fərqli bir milyarderlər indeksi Musk-ın xalis sərvətini təxminən 369 milyard dollar olaraq göstərir. Siyahıda Amazon-un qurucusu Jeff Bezos ikinci, Oracle-ın qurucusu Larry Ellison isə üçüncü yerdədir.