Logo
    main-post-cover

    Meta şirkəti Donald Trump-a 25 milyon dollar həcmində təzminat ödəyəcək

    Tech-Biznes
    30.01.2025
    Emil
         Technote.az Engadget saytına istinadən xəbər verir ki, Meta şirkəti, ABŞ-ın yeni prezidenti Donald Trump-a 25 milyon dollar ödəyərək 2021-ci ildə açılmış məhkəmə iddiasını həll etməyə razılaşıb. Bu iddia, 6 yanvar 2021-ci ildə ABŞ Konqres Binasında baş vermiş iğtişaşlardan sonra Trump-ın Facebook hesabının dondurulması qərarı ilə bağlı qaldırılmışdı.
         The Wall Street Journal-ın məlumatına görə, bu məhkəmə işi ilə bağlı uzun müddət heç bir ciddi inkişaf olmamışdı. Lakin, Meta-nın CEO-su Mark Zuckerberg-in seçkilərdən sonra Trump-ın iqamətgahı Mar-a-Lago-ya getməsi vəziyyəti dəyişib.
         “Noyabr ayında keçirilmiş axşam yeməyinin sonlarına yaxın Trump bu məsələni qaldırıb”, – deyə The Wall Street Journal yazır. “Prezident, məhkəmə işinin həll edilməsinin vacib olduğunu vurğulayıb və Zuckerberg-in ‘çadıra daxil edilməsinin’ bundan asılı olduğunu bildirib.”
         Məlumatlara görə, məhkəmə idiasının həlli üçün ödəniləcək 25 milyon dolların böyük bir hissəsi Trump-ın prezident kitabxanasının maliyyələşdirilməsinə yönəldiləcək.
       Meta-nın Trump-a güzəştlər etməsi bununla bitmir. Yeni prezident seçki kampaniyası zamanı Mark Zuckerberg-i “ona qarşı konspirologiyada” günahlandırmış və hətta onun həbs edilməsini istəmişdi. Buna baxmayaraq, seçkidən sonra Meta rəhbərliyi Trump-a bir neçə güzəşt edib:
    • Facebook-un uzun müddətdir mövcud olan fakt yoxlama proqramı dayandırılıb.
    • İmmiqrantlar və LGBTQ+ icmasını hədəf alan insanlığa yaraşmayan ifadələri qadağan edən məzmun moderasiya qaydaları yumşaldılıb.
    • Şirkətin korporativ müxtəliflik proqramları ləğv edilib.
    • Trump tərəfdarı olan UFC CEO-su Dana White Meta-nın idarə heyətinə daxil edilib.
       Qeyd edək ki, Zuckerberg, Trump-ın andiçmə mərasimi zamanı digər texnologiya şirkətlərinin rəhbərləri ilə birlikdə ön sırada oturmuşdu.
       Meta-nın məhkəmə iddiasını həll etməsi xəbəri, şirkətin son maliyyə hesabatlarını açıqlaması ilə eyni vaxta təsadüf edib. Analitiklərlə keçirdiyi konfrans zamanı Mark Zuckerberg 2025-ci ilin hökumətlərlə münasibətləri yenidən qurmaq üçün mühüm bir il olacağını qeyd edib.
           Trump-ın adını çəkməsə də, aşağıdakı fikirləri bildirib:
       "Biz indi Amerika şirkətlərinin gücündən qürur duyan, texnologiya sektorunu inkişaf etdirməyi prioritet sayan və xaricdə dəyərlərimizi və maraqlarımızı qoruyacaq bir ABŞ hökumətinə sahibik."
         Zuckerberg, həmçinin Meta-nın 2025-ci ildə süni zəkaya 65 milyard dollara qədər investisiya yatıracağını açıqlayıb və Meta AI platformasının 2025-ci ildə 1 milyard istifadəçiyə çatacağını proqnozlaşdırıb.
          Bundan əlavə o, Çinin DeepSeek adlı açıq mənbəli süni zəka köməkçisinin yüksəlişi barədə danışıb. O bildirib ki, bu inkişaf Meta-nın açıq mənbəli süni zəkasının vacibliyi barədə əminliyini artırıb. Zuckerberg-in sözlərinə görə, süni zəka sahəsində qlobal miqyasda açıq mənbəli bir standart formalaşacaq və bu standartın Amerika standartı olması milli üstünlük baxımından vacibdir.
    Paylaş
    Bənzər xəbərlər
    mark-zuckerberg-facebook-u-evvelki-gunlerine-qaytarmaq-ucun-boyuk-deyisiklikler-planlasdirir
    Sosial Media

    Mark Zuckerberg Facebook-u "əvvəlki günlərinə" qaytarmaq üçün böyük dəyişikliklər planlaşdırır

    Technote.az The Verge saytına istinadən xəbər verir ki, Mark Zuckerberg Facebook-da istifadəçi təcrübəsini "əvvəllər olduğu kimi" hiss etdirmək üçün böyük dəyişikliklər etməyi planlaşdırır.
    donald-trump-ve-digerleri-deepseek-in-ugurlarini-yuksek-qiymetlendiribler
    Süni İntellekt

    Donald Trump və digərləri DeepSeek-in uğurlarını yüksək qiymətləndiriblər

    Technote.az Reuters platformasına istinadən bildirir ki, Çinin süni zəka startapı DeepSeek-in yeni süni zəka modelinin təqdimatı investorlar arasında ABŞ şirkətlərinin süni zəka sahəsində liderliyini qoruyub saxlaya biləcəyi ilə bağlı şübhələr yaradıb. Bu modelin daha az resursla yüksək performans əldə etməsi diqqət çəkib.
    donald-trump-microsoft-tiktok-u-elde-etmek-ucun-danisiqlar-aparir
    Tech-Biznes

    Donald Trump: "Microsoft TikTok-u əldə etmək üçün danışıqlar aparır"

    Technote.az Reuters platformasına istinadən bildirir ki, ABŞ Prezidenti Donald Trump, Microsoft-un TikTok-u əldə etmək üçün danışıqlar apardığını təsdiqləyib və bu prosesdə bir çox iştirakçının təklif verəcəyini gözlədiyini bildirib.
    meta-ai-ozel-melumatlar-esasinda-daha-ferdilesdirilmis-komekciye-cevrilir
    Proqram Təminatı

    Meta AI özəl məlumatlar əsasında daha fərdiləşdirilmiş köməkçiyə çevrilir

    Technote.az Meta şirkətinə istinadən bildirir ki, o özünün süni zəka köməkçisi olan Meta AI-nin daha ağıllı və fərdiləşdirilmiş olması üçün yeni xüsusiyyətlər təqdim edir. Bu yeniliklər, istifadəçilərə daha faydalı və əlaqəli məlumatlar təqdim etməyi hədəfləyir.
    tiktok-un-oracle-sirketi-terefinden-elde-edilmesi-nezerden-kecirilir
    Tech-Biznes

    TikTok-un Oracle şirkəti tərəfindən əldə edilməsi nəzərdən keçirilir

    ABŞ prezidenti Donald Trump-ın administrasiyası Oracle şirkətinin amerikalı investorlarla birlikdə TikTok-un əldə edilməsi üzrə danışıqlar aparır.