Microsoft qısa müddət ərzində dünyanın ən bahalı şirkəti olub

Tech-Biznes

12.01.2024

Emil Nəcəfov

Analitiklər artıq müəyyən müddət ərzində proqnozlaşdırırlar ki, Microsoft bazar dəyəri mövzusunda Apple şirkətini geridə qoyaraq dünyanın ən bahalı şirkəti olacaq. Dünən gecə bu, baş verdi. Belə ki, Microsoft-un səhmlərinin ümumi dəyəri 0.7% yüksəldi, Apple səhmlərinin ümumi dəyəri isə 1% aşağı düşdü. Bunun sayəsində Microsoft dünyanın ən bahalı şirkəti statusunu əldə etdi. Şirkətin səhmlərinin ümumi dəyərinin yüksəlməsi nəticəsində onun bazar dəyəri 2.887 trilyon dollara yüksəldi.

Apple şirkətinin səhmlərinin ümumi dəyərinin 1% aşağı düşməsi nəticəsində isə onun bazar dəyəri 2.871 trilyon dollar təşkil etdi. Lakin dünyanın ən bahalı şirkəti statusu Microsoft-a qısa müddətlik nəsib oldu. Belə ki, müəyyən müddətdən sonra Apple yenidən dünyanın ən bahalı şirkəti statusunu özünə qaytardı. Microsoft sonuncu dəfə bu statusu 2021-ci ildə əldə etmişdi. Hal-hazırda süni zəka sahəsində uğurları səbəbilə Microsoft-un səhmlərinin ümumi dəyəri yüksəlməkdə davam edir. Apple şirkətinin zəif satış göstəriciləri isə onun səhmlərinin ümumi dəyərini aşağı salır.

Linki kopyala

apple

microsoft