OpenAI 40 milyard dollar investisiya əldə edib

     Növbəti maliyyələşdirmə raundu çərçivəsində OpenAI, SoftBank-ın başçılıq etdiyi investorlar qrupundan 40 milyard dollar investisiya cəlb edib - süni zəka tərtibatçısı 300 milyard dollar dəyərində qiymətləndirilib. Məlumata görə, bu, tarixdə ən böyük özəl texnologiya şirkəti maliyyələşdirmə raundudur. OpenAI ilkin olaraq 10 milyard dollar alacaq. Bunun 7.5 milyard dolları SoftBank-dan, 2.5 milyard dolları isə “investorlar sindikatı”ndan daxil olacaq. Qalan 30 milyard dollar ilin sonuna qədər köçürüləcək - lakin bu, yalnız OpenAI həmin vaxta qədər yenidən təşkilatlanaraq kommersiya şirkətinə çevrildiyi halda baş verəcək. Əks halda, razılaşmanın həcmi dörddə bir azaldılacaq.

     Yanvar ayında OpenAI Stargate adlı layihəni elan etdi - bu, SoftBank, Oracle və Əbu-Dabidən MGX fondu tərəfindən dəstəklənən və 500 milyard dollarlıq büdcəyə malik birgə müəssisədir. Yaxın 4 il ərzində bu layihə süni zəka sistemləri üçün nəhəng məlumat emalı mərkəzləri şəbəkəsi qurmağı hədəfləyir. Hazırda şirkət yüksəlişdədir. Bir müddət əvvəl baş direktor Sam Altman açıqlamışdı ki, ChatGPT platformasına “Images” funksiyasının əlavə olunması sayəsində - bu funksiya Studio Ghibli üslubunda təsvirlər yaratmağa imkan verir - cəmi 1 saat ərzində 1 milyon istifadəçi cəlb olunub. Qarşıdakı aylarda OpenAI açıq çəkilərlə (open weights) təchiz olunmuş güclü böyük dil modelini təqdim etməyi planlaşdırır. Maliyyələşdirmə raundu zamanı bildirilib ki, OpenAI xidmətlərinin həftəlik auditoriyası 500 milyon istifadəçiyə çatır.

     ChatGPT səbəbilə sürətli artıma baxmayaraq, şirkətin xərcləri hələ də nəhəngdir. Cari ilin yekununa görə OpenAI 12.7 milyard dollar gəlir əldə etməyi planlaşdırır - halbuki ötən il bu göstərici 3.7 milyard dollar idi. Şirkət 2029-cu ildə gəlirlərini 125 milyard dollara çatdıraraq müsbət pul axınına çıxmağı qarşısına məqsəd qoyub. Maliyyələşdirmə raundu zamanı OpenAI bir daha öz fəaliyyətinin əsas məqsədini açıqlayıb: “bütün bəşəriyyətə fayda verəcək ümumi süni zəkanın (AGI) yaradılması.” Sam Altman-ın sözlərinə görə, bu məqsədə çatmaq üçün şirkətə böyük həcmdə hesablama və enerji resursları, qlobal infrastruktur və çox ciddi maliyyə vəsaiti lazım olacaq.

Mənbə: CNBC

Bənzər xəbərlər

Proqram Təminatı

ChatGPT-də fotoların dəqiq şəkildə tərtibatı funksiyası istifadəyə verilib

OpenAI ChatGPT-ə birbaşa dəqiq təsvirlər yaratmaq funksiyasını əlavə edib. 4o Image Generation adlanan bu yeni funksiya multimodal GPT-4o böyük dil modelinə əsaslanır. O, konteksti, mürəkkəb təlimatları, obyektlərin qarşılıqlı əlaqəsini başa düşür və hətta artefaktsız mətn yazıları da yarada bilir.

Süni İntellekt

OpenAI tərtibatçılar üçün o1-pro adlı ən bahalı süni zəka modelini təqdim edib

OpenAI özünün o1 adlı süni zəka modelinin daha güclü versiyasını - o1-pro modelini istifadəyə verib və onu API vasitəsilə tərtibatçılar üçün əlçatan edib. Şirkətin bildirdiyinə görə, o1-pro modeli daha çox hesablama gücü istifadə edir və bu da onun daha stabil və keyfiyyətli cavablar verməsinə imkan yaradır.

Proqram Təminatı

ChatGPT, Google Drive-dakı faylları analiz edə biləcək

OpenAI, ChatGPT Connectors adlı yeni funksiyanın beta-testinə hazırlaşır. Bu alət sayəsində ChatGPT Team-in korporativ abunəçiləri, Google Drive və Slack kimi iş mühitlərini ChatGPT ilə birləşdirə biləcəklər.

Proqram Təminatı

OpenAI ABŞ-da DeepSeek-in qadağan edilməsini təklif edib

Çində qabaqcıl texnologiyalarla bağlı tez-tez rast gəlinən hallar kimi, DeepSeek-in texnologiyaları ölkə xaricində tez bir zamanda əleyhdarlarını tapıb. ABŞ-ın OpenAI şirkəti rəqabətə girmək əvəzinə, təkcə DeepSeek-in deyil, həm də Çin və digər "dost olmayan" ölkələrin dəstəklədiyi bütün şirkətlərin böyük dil modellərinin ABŞ-da qadağan edilməsini təklif edib.

Proqram Təminatı

ChatGPT-ni Android-də standart köməkçi kimi istifadə etmək mümkün olub

Android üçün ChatGPT-nin son beta versiyası yeni imkanlar təqdim edir. Yeni beta versiya (v1.2025.070) ChatGPT-ni Android cihazlarında standart köməkçi tətbiq kimi təyin etməyə imkan verir.