OpenAI-nin aylıq gəliri 1 milyard dollara çatıb

     ChatGPT-nin yaradıcısı olan OpenAI rəsmi olaraq hələ də özəl startap olaraq qalır, buna görə də onun maliyyə göstəriciləri və investorlar tərəfindən cəlb olunan vəsaitlər geniş ictimaiyyətə açıq deyil. Məlumata görə, bu ilin 7 ayının nəticələrinə əsasən, OpenAI-nin illik gəliri 2 dəfə artaraq 12 milyard dollara çatıb. Hazırda şirkət hər ay 1 milyard dollar gəlir əldə edir. Bu artımda, ən azı həftədə bir dəfə OpenAI xidmətlərindən istifadə edən 700 milyon aktiv ChatGPT istifadəçisinin rolu böyükdür. OpenAI-nin xərcləri də sürətlə artır.

     Əvvəllər il ərzində təxminən 7 milyard dollar xərcləməyi planlaşdıran şirkət indi bu proqnozu 8 milyard dollara qədər artırıb. Eyni zamanda, OpenAI ikinci investisiya raunduna hazırlaşır və bu mərhələdə inkişafını təmin etmək üçün 30 milyard dollar cəlb etməyi planlaşdırır. Əgər mərhələli şəkildə OpenAI-nin kapitalına təxminən 32 milyard dollar investisiya qoymaq barədə razılaşmış SoftBank-ı nəzərə almasaq, hələlik startapın ehtiyacları üçün cəmi 7.5 milyard dollar ayırmağa hazır olan investorlar tapılıb.

     Sequoia Capital və Tiger Global Management kimi səhmdarlar bu dəfə ABŞ valyutası ilə bir neçə 100 milyon dollar ayırmağa razı ola bilərlər. OpenAI-nin rəhbəri Sam Altman süni intellekt sistemləri üçün hesablama infrastrukturu qurmaq sahəsində olduqca iddialı planlara malikdir və bu məqsədlə SoftBank və Oracle kimi tərəfdaşlardan maliyyə cəlb edir. Bu baxımdan, şirkətin xərcləri hələ uzun müddət gəlirlərini üstələyə bilər. Lakin bu perspektiv, görünür, OpenAI-yə dəstək vermək istəyən investorların marağını ciddi şəkildə azaltmır