Tesla Elon Musk-a 10 illik CEO vəzifəsi üçün 1 trilyon dollar təklif edib

     Tesla, istehsalın azalmasına baxmayaraq və yeni prioritetlərin insanabənzər robotlar və süni intellekt olmasına rəğmən, baş direktor Elon Musk üçün yeni 10 illik əməkhaqqı planı təklif edib. Şirkət mükafatın ölçüsünü bir sıra nəzarət göstəricilərinə bağlayıb, onlardan biri Tesla-nın dəyərinin 1 trilyon dollardan 8 trilyon dollara qədər artırılmasını nəzərdə tutur. Plana əsasən, Musk-a şirkətin 423 milyon səhmindən çoxu veriləcək və nəticədə onun şirkətdəki payı təxminən 25%-ə qədər yüksələcək. Daha əvvəl o, səsvermə hüquqlarının artırılmaması halında şirkətdən gedəcəyini hədələyib. Təklif ilin sonuna qədər keçiriləcək Tesla-nın illik səhmdarlar yığıncağında səsverməyə çıxarılacaq.

     1 ay əvvəl şirkət baş direktoruna 29 milyard dollarlıq mükafat ödəniləcəyini açıqlamışdı, bu da ona 56 milyard dollar ödənilməsini qadağan edən məhkəmə qərarını kompensasiya etmək üçün nəzərdə tutulmuşdu. Tesla səhmdarlara müraciətində bildirib ki, dünya “kritik, dönüş nöqtəsinə” çatıb - əgər geniş miqyasda innovativ və əlçatan texnologiyaları tətbiq etməyə davam edərsə, ekoloji rifah dövrünə qədəm qoya bilər. Sənəddə deyilir: “Tesla, avtonom məhsul və xidmətlərin demokratikləşdirildiyi bir cəmiyyətin formalaşmasına töhfə verə bilər”. Elon Musk barədə isə qeyd olunur ki, onun “unikal baxışı” var və bu baxış həyati əhəmiyyət daşıyır, çünki “bu kritik dönüş nöqtəsindən keçmək” üçün zəruridir.