TikTok-un Elon Musk tərəfindən alınması nəzərdən keçirilir
Tech-Biznes
15.01.2025
Emil
Hələ keçən ilin aprel ayında Joe Biden tərəfindən imzalanmış qanun layihəsinə əsasən ByteDance şirkəti 19 yanvar tarixinə kimi TikTok-u ABŞ-ın yerli şirkətlərindən birinə satmalıdır. Əks halda bu sosial platforma ABŞ ərazisində bloklanacaq. TikTok öz növbəsində bu qanun layihəsinin ləğv edilməsinə və ya onun icrasının təxirə salınmasına nail olmaq üçün bir neçə müddət bundan öncə ABŞ Ali Məhkəməsinə müraciət etdi. Lakin 10 yanvar tarixində ABŞ Ali Məhkəməsi qeyd edilmiş qanun layihəsinin icrasının lehinə qərar çıxartdı.
Hal-hazırda TikTok administrasiyası vəziyyətdən çıxış yolunu axtarır. Çin hökuməti də bu sosial platformanın ByteDance şirkətinin əlində qalmasında istəklidir. Buna baxmayaraq məlumata əsasən Çində TikTok-un Elon Musk tərəfindən alınması variantı nəzərdən keçirilir. Məlumatda qeyd edilib ki, Musk öz növbəsində TikTok-u X-in (keçmiş Twitter) nəzarəti altına sala və onların bizneslərini birləşdirə bilər. Bu halda X həm yeni reklamçıları özünə cəlb edəcək həm də Musk süni zəka texnologiyalarının inkişaf etdirilməsində TikTok-un məlumatlarından istifadə edə biləcək.
Çin hökuməti bu nöqteyi nəzərdən Donald Trump administrasiyası ilə əlaqələrini yaxşılaşdırmaq üçün şans görür. Qeyd etmək lazımdır ki, Musk-ın artıq Çində bir biznesi mövcuddur. Söhbət, Tesla-nın Şanxaydakı elektromobil istehsalı ilə məşğul olan zavodundan gedir. Bunun sayəsində Musk-ın nüfuzu çinli məmurlar arasında yüksəlib. Nəticədə Musk iki ölkə arasındakı danışıqlarda körpü rolunu oynaya bilər. Nəticə etibarilə Musk-ın TikTok-u alıb-almayacağı yaxın zamanda bilinəcək.
Paylaş
Bənzər xəbərlər
Elm & Texnologiya
Neuralink öz beyin implantını üçüncü pasientə implantasiya edib
Elon Musk-ın Neuralink şirkəti təqribi olaraq 1 il bundan öncə öz beyin implantını Noland Arbaugh adlı ilk pasientə implantasiya etmişdi.
Tech-Biznes
ABŞ dövlət qurumları OpenAI şirkətinə qarşı olan məhkəmə iddiasında Elon Musk-ın tərəfini tutublar
ABŞ-ın tənzimləyici orqanları süni zəka sahəsində fəaliyyət göstərən OpenAI şirkətinin kommersiya məqsədli şirkətə çevrilməsi prosesinin qadağan olunmasını tələb edən Elon Musk-ın tərəfini tutublar. Söhbət, ABŞ Ədliyyə Nazirliyi və Federal Ticarət Komissiyasından (FTC) gedir.
Sosial Media
X-də (keçmiş Twitter) ödənişli qeydiyyat planlaşdırılır
Elon Musk sahibi olduğu X (keçmiş Twitter) sosial şəbəkəsi ilə bağlı təcrübələr aparmağa davam edir. Bu dəfə Musk sözügedən sosial şəbəkədəki paylaşımlarda tarixlərin aradan qaldırmağa hədəflənib.
Sosial Media
TikTok planetimizin atmosferini ən çox çirkləndirən sosial şəbəkədir
Greenly şirkəti TikTok istifadəçilərinin bu məşhur platformanı istifadə etmələri səbəbilə qoyduqları karbon izinin miqdarını təyin edib. Məlum olub ki, TikTok istifadəçiləri atmosferi digərlərindən daha çox çirkləndirirlər.
Tech-Biznes
Donald Trump məhkəmədən TikTok-un ABŞ-da hələlik bloklanmamasını xahiş edib
ABŞ-ın seçilmiş yeni prezidenti Donald Trump öz səlahiyyətlərini 20 yanvar tarixində əldə edəcək. Lakin TikTok-un sahibi olan ByteDance şirkətinin bu sosial şəbəkəni ABŞ-ın yerli şirkətlərindən birinə satmağa razı olmadığı təqdirdə onun aqibəti artıq 19 yanvar tarixində həll ola bilər.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
