TikTok-un Oracle şirkəti tərəfindən əldə edilməsi nəzərdən keçirilir

Tech-Biznes

27.01.2025

Emil

ABŞ prezidenti Donald Trump-ın administrasiyası Oracle şirkətinin amerikalı investorlarla birlikdə TikTok-un əldə edilməsi üzrə danışıqlar aparır. Qeyd etmək lazımdır ki, keçən ilin aprel ayında keçmiş ABŞ prezidenti Joe Biden tərəfindən imzalanmış qanun layihəsi 19 yanvar 2025-ci il tarixinə kimi ByteDance şirkətinin TikTok-u ABŞ-ın yerli şirkətlərindən birinə satmayacağı təqdirdə bu məşhur platformanın ölkədə bloklanmasına istiqamətlənmişdi. 19 yanvar tarixində TikTok qısa müddətlik də olsa ABŞ-da fəaliyyətini dayandırmalı oldu.

Lakin ABŞ-ın yeni prezidenti Donald Trump-ın səyləri nəticəsində qanun layihəsinin icrası müəyyən müddətlik təxirə salındı və TikTok öz fəaliyyətini bərpa etdi. Bununla belə Trump bildirdi ki, TikTok-un ABŞ-dakı fəaliyyətinin davam etdirilməsi üçün onu mütləq şəkildə yerli şirkətlərdən birinə satmaq lazım gələcək. Trump-ın ideyasına əsasən TikTok öz fəaliyyətini bu platformanın hal-hazırki və yeni sahiblərinin birlikdə yaradacaqları yeni şirkət çərçivəsində davam etdirməlidir. Bu halda ABŞ platformanın 50%-nə sahib olmalıdır.

Yeni məlumata əsasən hal-hazırda Oracle şirkətinin TikTok-un qlobal əməliyyatları üzərində idarəni əldə edəcəyi və ByteDance şirkətinin böyük olmayacaq TikTok hissəsinə sahib olacağı variantı nəzərdən keçirilir. Qeyd etmək lazımdır ki, Trump öz ilk prezidentlik dövrü zamanı ByteDance şirkətini TikTok-u tamamilə satmağa məcbur etməyə cəhd göstərmişdi. Həmin vaxtda da potensial alıcılar arasında Oracle şirkəti var idi. Lakin Trump-ın birinci prezidentlik dövründə tərəflər arasında belə müqavilə bağlanmadı.

Paylaş

Bənzər xəbərlər