TikTok-un yaradıcısı Çinin ən varlı şəxsinə çevrilib

     Çinli sahibkar Zhang Yiming, 2012-ci ildə qısa videolar xidməti olan TikTok-un sahibi ByteDance şirkətini təsis edən şəxs, Bloomberg Milyarderlər İndeksinə əsasən ilk dəfə olaraq Çinin ən varlı insanları reytinqinə başçılıq edib. Bloomberg-in məlumatına görə, onun sərvəti 57.5 milyard dollar təşkil edir və ilin əvvəlindən bu yana 13.6 milyard dollar artıb. Çinin ən varlı üç şəxsindən biri də Tencent şirkətinin (1.3 milyard istifadəçisi olan WeChat messencerinin sahibi) qurucusu Ma Huateng - onun sərvəti 56.6 milyard dollardır. Üçlüyü içməli su təchizatçısı olan şirkətin sahibi Zhong Shanshan tamamlayır - onun sərvəti 54.1 milyard dollardır. Hazırda Zhang Asiyanın ən varlı insanları siyahısında üçüncü yerdə qərarlaşıb və yalnız Hindistandan olan Mukesh Ambani-yə (90.9 milyard dollar) və Gautam Adani-yə (72.3 milyard dollar) uduzur.

Zhang Yiming:

     Zhang sərvətini ona məxsus 21% paya sahib olduğu ByteDance şirkətinə borcludur. Bu şirkətə məxsus video xidməti TikTok-un 1 milyarddan çox istifadəçisi var, süni zəka ilə çalışan Doubao çat-botunun aktiv istifadəçilərinin sayı isə 75 milyonu ötüb. 2021-ci ildə Zhang, ByteDance şirkətinin baş direktoru vəzifəsindən istefa verib, bir neçə ay sonra isə şirkətin idarə heyətinin sədri vəzifəsini də tərk edib. “Zhang əvvəlki nəsil ‘Çində istehsal olunmuş’ milyarderlərdən fərqli olaraq, daha innovativ və qlobal bazara yönəlmiş biznesə sahibdir” - deyə Tsinxua Universitetinin Qlobal Ailə Biznesi Tədqiqat Mərkəzinin direktoru Hao Gao bildirib. “Ən vacib məqam odur ki, biz xəbər biznesi deyilik” - Zhang 2017-ci ildə mətbuata verdiyi müsahibədə demişdi.

     “Biz daha çox axtarış sistemi və ya sosial şəbəkə platformasına bənzəyirik. Biz həqiqətən innovativ işlə məşğuluq. Biz ABŞ şirkətlərini nə məhsulda, nə də texnologiyada təkrarlamırıq”. Bu arada TikTok-un ABŞ-dakı fəaliyyəti ilə bağlı vəziyyət hələ də qeyri-müəyyəndir. Aprelin 5-də ABŞ hakimiyyəti tərəfindən TikTok-un ölkədə fəaliyyətini davam etdirməsi üçün qoyulmuş şərt - yerli aktivlərinin satılması üçün ayrılmış müddət başa çatır. Mümkün alıcılardan biri kimi Oracle şirkəti nəzərdən keçirilir. Bloomberg News-un məlumatına görə, bu şirkət təhlükəsizlik zəmanəti verə və yeni yaradılacaq ABŞ şirkətində kiçik bir pay əldə edə bilər. Bununla belə, TikTok-un əsas alqoritmlərinə nəzarətin ByteDance-də qalması ehtimalı da var.

Mənbə: Bloomberg

Bənzər xəbərlər

Tech-Biznes

ABŞ hökuməti TikTok-un alınması mövzusuna Oracle şirkətini cəlb etməyi planlaşdırır

ABŞ hakimiyyəti, Çinin TikTok vasitəsilə ABŞ cəmiyyətinə təsir imkanlarını məhdudlaşdırmaq üçün əvvəlcə Oracle şirkətinin infrastrukturuna güvənirdi. İndi isə Oracle bu məsələdə daha böyük rol oynaya bilər.

Tech-Biznes

ABŞ hökuməti TikTok-un əldə olunması üçün artıq 4 alıcı tapıb

5 aprel tarixi sürətlə yaxınlaşır və Donald Trump dəfələrlə TikTok-un ABŞ-da fəaliyyətinin qadağasının qüvvəyə minməsini təxirə sala biləcəyini bildirsə də, bu, potensial alıcıların axtarışının dayandırıldığı mənasına gəlmir.

Sosial Media

Donald Trump, TikTok-un ABŞ-da qadağasının təxirə salınma müddətini uzatmağa hazırdır

Donald Trump-ın ABŞ prezidenti vəzifəsinə başlamasından əvvəl TikTok sosial şəbəkəsi ölkədə bir neçə saatlıq fəaliyyətini dayandırmışdı.

Sosial Media

TikTok-un ABŞ-dakı gələcəyi hələ də sual altındadır

ABŞ-da TikTok-un satışı üçün müəyyən edilmiş müddətin bitməsinə 1 aydan az vaxt qalsa da, onun çinli sahibi hələ də potensial alıcılarla danışıqlara başlamayıb.

Tech-Biznes

Britaniyada TikTok və digər platformalar ilə bağlı ciddi araşdırmaya start verilib

Böyük Britaniya tənzimləyicisi TikTok, Reddit və Imgur kimi internet platformaları ilə bağlı araşdırma başladır. Bu addım bu sosial şəbəkələrin yetkinlik yaşına çatmayanların şəxsi məlumatlarından düzgün istifadə etməməsi ilə bağlı artan narahatlıqlar fonunda atılıb.