Trump-ın yeni rüsumları səbəbilə TikTok-un satışı üzrə danışıqlar dayandırılıb

     TikTok-un Amerika aktivlərinin ayrılması ilə bağlı razılaşma dayandırılıb - Pekin, ABŞ prezidenti Donald Trump yeni rüsumlar tətbiq etdikdən sonra bu razılaşmanı təsdiqləməyəcəyini açıq şəkildə bəyan edib. Bu barədə Reuters iki mənbəyə istinadən məlumat yayıb. 2 aprel, çərşənbə günü təsdiqlənmiş ilkin sxemə əsasən, TikTok-un ABŞ seqmenti müstəqil bir şirkət kimi ayrılmalı və bu şirkət ABŞ-da yerləşərək əsasən amerikalı investorların mülkiyyətində və idarəçiliyində olmalı idi.

     TikTok-un yaradıcı və hazırkı sahibi olan ByteDance şirkətinə isə yeni şirkətdə 20%-dən çox olmayan azlıq payı verilməsi nəzərdə tutulurdu. Bu razılaşma sxemi TikTok-un mövcud investorları, platformanın yeni investorları, ByteDance şirkəti və ABŞ hökuməti tərəfindən təsdiqlənmişdi. Trump komandası ilə birlikdə bu xidmətin alınması üzrə razılaşmada “böyük irəliləyiş” əldə etdiklərini bildirmişdi. Lakin platformanı kimin alacağı hələ də tam məlum deyil.

     Buna baxmayaraq, bu irəliləyiş keçən həftə Trump-ın Çinlə bağlı 34%-lik yeni rüsumlar tətbiq etməsindən sonra pozuldu - Çin də eyni şəkildə cavab verdi. Yanvar ayında TikTok ABŞ-da qısa müddətlik bloklanmışdı. Trump prezident vəzifəsinə başladıqdan sonra bloklamanı 75 gün müddətinə təxirə saldı. Keçən həftənin sonunda isə məlum oldu ki, Trump bu təxirəni eyni müddətə bir daha uzadıb. TikTok-la bağlı razılaşmanın dayandırılması ilə əlaqədar nə ByteDance-dən, nə Ağ Evdən, nə də Çinin ABŞ-dakı səfirliyindən rəsmi şərh verilməyib.

Mənbə: Reuters

Bənzər xəbərlər

Tech-Biznes

Donald Trump TikTok-un ABŞ-da qadağasını növbəti dəfə 75 günlüyünə təxirə salıb

ABŞ Prezidenti Donald Trump TikTok sosial şəbəkəsinin ABŞ-da fəaliyyətinin qadağan olunmasına dair qərarın icrasını 75 gün müddətinə təxirə salıb.

Tech-Biznes

Donald Trump, TikTok ilə bağlı razılaşmanın əldə edilməsinə yaxın olduqlarını bildirib

Rəsmi olaraq, ABŞ-da TikTok sosial şəbəkəsinin fəaliyyətinə qadağa qoyulmasına dair möhlət bu yaxın şənbə gününə qədər qüvvədədir və potensial alıcıların Amerika aktivlərinin ayrılması ilə bağlı razılaşma üçün danışıqlar aparmağa hələ vaxtları var.

Tech-Biznes

Avropa Birliyi TikTok-u 500 milyon avro cərimələyəcək

ByteDance şirkəti, yəni qısa videolar platforması olan TikTok-un sahibi, Avropa istifadəçilərinin məlumatlarını Çinə qanunsuz ötürdüyünə görə 500 milyon avro cərimələnə bilər.

Tech-Biznes

ABŞ-ın yeni tarifləri səbəbilə dünyanın ən varlı şəxsləri 1 gündə 208 milyard dollar itiriblər

ABŞ-ın gömrük nəzarəti sahəsində yeni tarif siyasətinin dünya iqtisadiyyatı üçün hansı sarsıntılarla nəticələnəcəyi hələ məlum deyil, lakin fond bazarının ilkin reaksiyası göstərir ki, prezident Donald Trump-ın atdığı addımlar nəticəsində dünyanın ən zəngin 500 insanının sərvəti bir gün ərzində ümumilikdə 208 milyard dollar azalıb.

Tech-Biznes

Donald Trump-ın yeni idxal rüsumları böyük şirkətlərin səhmlərinin dəyərini aşağı salıb

ABŞ prezidenti Donald Trump-ın yeni idxal rüsumlarının tətbiqini elan etməsindən sonra, “möhtəşəm yeddilik” adlandırılan şirkətlərin səhmlərinin dəyəri kəskin şəkildə azalıb.