İnsan dərisinin bağlarından ilhamlanan tədqiqatçılar, robotun üzünə dəri qatının yapışmasına kömək edən xüsusi deşiklər əlavə ediblər. Layihəyə rəhbərlik edən professor Shoji Takeuchi, biohibrid robototexnika sahəsində pioner kimi tanınır. O, indiyə qədər bioloji əzələ toxumasından istifadə edərək yeriyən mini robotların, 3D-printer vasitəsilə laboratoriyada yetişdirilən ətlərin, özü-özünü sağalda bilən mühəndislik istehsalı dərinin və daha çoxunun hazırlanmasında qabaqcıl şəxslərdən biri olmuşdur. Lakin onun fikrincə robot dəri texnologiyası daha da inkişaf etdirilə bilərdi.

     Bu istəkdən irəli gələn komanda, insan dərisini birləşdirən strukturları təqlid edərək və bərk materiallarda xüsusi hazırlanmış V formalı perforasiyalardan istifadə edərək dərini mürəkkəb strukturlara bağlamağın yolunu tapdı. Beləliklə, robot dəri, qopmadan və soyulmadan mexaniki komponentlərlə problemsiz şəkildə hərəkət edə bilmə xüsusiyyətini qazanmış oldu. Tədqiqatçıların fikrincə yeni dəri, robotlara bir sıra əlavə yeni qabiliyyətlər də qazandıra bilər. Məsələn, öz-özünə müalicə edə bilmə xüsusiyyətini nümunə kimi göstərmək olar. Tədqiqatçıların düşünürlər ki, inkişaf etmiş bioloji dəri insan dərisini təqlid edə bilir. Buna görə də, bu süni dəri kiçik kəsikləri düzəldə, sinirləri və digər dəri orqanlarını birləşdirə, duyğu funksiyalarını aktivləşdirə və s. edə bilər.

     Tədqiqatçılar sözlərinə görə, bu dəri, həmçinin kosmetikin, cərrahi üsullarının və plastik cərrahiyyəsinin öyrənilməsində inqilabi dəyişiklik edə bilər. Komanda həmçinin inkişaf etdirdikləri dərini gülümsəməyi bacaran kiçik robot üzə də tətbiq ediblər. Tədqiqatçılar, insanabənzər ifadələr yaratmaq üçün mürəkkəb aktuatorların və ya əzələlərin robota inteqrasiyasının tələb olunduğunu və realizmə nail olmaq üçün hərəkətin eyni zamanda material qədər də vacib olduğunu bildiriblər.