Məlumata əsasən “Amazon”, “Whole Foods Market”in hər bir dəyərli kağızı üçün 42$ vəsait ödəyəcək. Müqavilənin tam bağlanışının planlaşdırıldığı bu ilin ikinci yarısından sonra sözügedən mağazalar şəbəkəsi öz adını, Ostin şəhərindəki baş ofisini, top-menecerləri və CEO-su John Mackey-i qoruyub saxlayacaq. Bu müqavilə “Amazon”un tarixində ən böyüyü hesab edilir. Qeyd etmək lazımdır ki, bu ilin Mart ayının sonunda “Amazon”un pul ehtiyatları 21.5 milyard dollar təşkil edirdi. “Whole Foods”, ABŞ-ın ən böyük orqanik məhsul satışı ilə məşğul olan supermarketlər şəbəkəsidir. 1978-ci ildə təsis edilmiş bu şirkət, ABŞ-ın və Kanadanın 460-dan çox supermarketinin operatoru rolunda çıxış edir. Həmin şirkətdə çalışan insanların sayı 87.000-dir. “Whole Foods”un 2016-cı ildəki gəliri isə 16 milyard dollar olmuşdur.