Apple artıq növbəti nəsil Vision Pro üzərində çalışmağa başlayıb
Elm & Texnologiya
14.11.2023
Macrumors saytının verdiyi məlumata əsasən Apple şirkətinin Vision Pro adlı qarışıq reallıq (AR + VR / Mixed Reality) cihazını hələ satışa çıxartmamasına baxmayaraq şirkət artıq onun ikinci nəsli üzərində çalışır. Məlumatda qeyd edilib ki, növbəti Vision Pro şirkət daxilində Project Alaska kod adına sahibdir. Macrumors-un məlumatlarına əsasən növbəti Vision Pro xarici görünüşcə satışa hazırlaşan Vision Pro-ya bənzəyəcək. Lakin bununla belə şirkət növbəti MR cihazın gövdəsini sadələşdirməyi və müəyyən elementlərin yerlərini dəyişməyi istəyir.
Növbəti Vision Pro-nun kompasa, hiroskopa, işıqlandırma sensoruna və maqnitometrə sahib olacağı gözlənilir. Məlumatda qeyd edilib ki, MR cihazın ikinci nəsli iki ədəd micro-OLED ekrana, bir ədəd TrueDepth kameraya, dörd ədəd computer vision kamerasına, iki ədəd RGB kamerasına və yaxşı işıqlandırılmamış mühitdə çalışmaq üçün nəzərdə tutulmuş infraqırmızı işıqlandırma sisteminə sahib olacaq. Vision Pro 2-ni yaxın zamanda gözləmək lazım deyil. Əgər hər şey yolunda getsə, şirkət onun final versiyasını 2025-ci ildə test etməyə başlayacaq. Vision Pro 2 nəticədə 2025-ci ilin sonunda və ya 2026-cı ilin əvvəlində satışa çıxa bilər.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
