Hələ keçən ay məlumat ortaya çıxmışdı ki, Apple şirkəti sentyabr ayında baş tutacaq təqdimat tədbirindən sonra oktyabr ayında daha bir tədbir keçirəcək. Güman olunurdu ki, şirkət oktyabrdakı tədbirdə M3 prosessoruna sahib MacBook modellərini təqdim edəcək. Lakin məşhur analitik Ming-Chi Kuo bu məlumatı təkzib edib. Qeyd etmək lazımdır ki, daha öncəki məlumat sızıntısına əsasən oktyabr ayında 13 düym ekranlı yeni MacBook Pro, MacBook Air modelləri və üstəlik 24 düym ekranlı iMac gözlənilirdi. Lakin Ming-Chi Kuo əmindir ki, Apple bu ilin sonuna kimi M3 prosessorlu heç bir MacBook modelini təqdim etməyəcək. Qeyd etmək lazımdır ki, analitik öz məlumatlarında yalnız MacBook-u qeyd edib. Buna görə də Apple ilin sonuna kimi yeni MacBook modellərini olmasa da yenilənmiş iMac-ı təqdim edə bilər.