Apple Çin ilə ticarət müharibəsinə son verilməsi üçün ABŞ hökumətinə rəsmi müraciət edib

Apple Çin ilə ticarət müharibəsinə son verilməsi üçün ABŞ hökumətinə rəsmi müraciət edib

Texnologiya
23.06.2019 PAYLAŞIM

    Apple şirkəti prezident Donald Trump-ın ABŞ ilə Çin arasındakı ticarət müharibəsi çərçivəsində genişləndirməyi planlaşdırdığı vergi rüsumlarının ləğv olunması ilə bağlı rəsmi şəkildə ABŞ hökumətinə müraciət edib. Bu barədə Reuters saytına istinadən Gagadget saytı xəbər verib. Bu rüsumların Çindən olan məhsulların import olunması üçün ödənilməsi nəzərdə tutulub. 300 milyard dollar dəyərində olan məhsullar üçün 25%.

    Apple ABŞ şirkəti olsa da o öz məhsullarını Çində istehsal edir. Buna görə də həmin məhsullara da vergi rüsumları tətbiq edilir. Daha əvvəllər şirkət yalnız kiçik məhsullara görə (naqillər, şarj cihazları və s. aksessuarlar) ödəniş edirdi. Lakin indi əgər Trump məhsul siyahısını və vergi rüsumlarını genişləndirsə, Apple şirkəti əlavə olaraq smartfonlara, noutbuklar və digər məhsullara görə də ödəniş etməli olacaq. Əgər şirkət bu məhsullara görə də vergi rüsumu ödəsə şirkətin məhsullarının qiymətlərinin qalxacağı qaçılmazdır.

    Morgan Stanley maliyyə şirkətinin analitiklərinin hesablamalarına əsasən bu halda büdcəli iPhone XR modelinin qiyməti 160$ bahalaşaraq 910$ təşkil edəcək. Belə olacağı halda yeni iPhone modellərinin qiymətlərinin necə təşkil edəcəyini söyləmək çətindir. Nəticədə ölkə büdcəsinə töhfənin verilməsi aşağı düşəcək. Apple şirkəti isə qeyd edir ki, o, ABŞ-da ən böyük vergi ödəyicilərindən biridir. Qeyd etmək lazımdır ki, vergi rüsumlarının aşağı endirilməsini digər şirkətlər də tələb edirlər.

    Onların sırasında Keurig Dr Pepper, Carrier, Dell, HP, Walmart, Fitbit və s. kimi şirkətlər var. Həmin şirkətlər də bu məsələ ilə bağlı ABŞ hökumətinə rəsmi müraciət ediblər. Həmin müraciətlərin Donald Trump-ın fikrinə təsir edib-etməyəcəyi isə bilinmir. Əks halda şirkətlər öz istehsalatlarını Çindən digər ölkələrə keçirtməli olacaqlar. Apple şirkəti artıq uzun müddətdir ki, bu cür planı nəzərdən keçirdir.



SİZƏ MARAQLI OLACAQ BİR NEÇƏ MƏLUMAT


Mazda şirkəti MX-30 adlı ilk elektromobilini təqdim etdi (VİDEO)

Tokioda keçirilmiş avtomobil sərgisi çərçivəsində Mazda şirkəti özünün ilk elektromobil modelini təq..


Huawei şirkəti qatlana bilən Mate X'in satış tarixini və qiymətini elan etdi..

Huawei şirkəti öz ilk qatlana bilən smartfon modeli Mate X-i hələ bu ilin fevral ayında təqdim etmiş..


Huawei şirkəti Google servislərinin alternativlərinin axtarışındadır

ABŞ hökuməti tərəfindən təyin edilmiş sanksiyalar səbəbilə Huawei Mate 30 və Mate 30 Pro smartfon mo..


Samsung şirkətinin AR eynəyinin patent fotosu ortaya çıxdı

İnternetdə Samsung şirkətinin AR eynəyinin patenti ortaya çıxıb. Həmin patentdə şirkətin AR eynəyini..


NASA agentliyi Marsa ilk astronavtların nə zaman göndəriləcəyini elan etdi

Bir neçə gün bundan öncə NASA agentliyi Ay və Mars üçün nəzərdə tutulmuş yeni kosmik skafandr modell..


Redmi Note 8T'nin keyfiyyətli render fotoları təqdim olundu

Dünən biz xəbər vermişdik ki, təkzib edilmiş məlumatlara baxmayaraq Xiaomi şirkəti Redmi Note 8T sma..