Apple iCloud-dakı fotoların skan olunması funksiyasına görə tənqid olunub

Apple iCloud-dakı fotoların skan olunması funksiyasına görə tənqid olunub

Texnologiya
10.08.2021 PAYLAŞIM

    Bir neçə gün bundan öncə Apple şirkəti istifadəçilərin iCloud hesablarındakı fotoların skan olunması funksiyasını istifadəyə verəcəyini elan etmişdi. Lakin iPhone istifadəçiləri və bir sıra təşkilatlar bu funksiyanın istifadəyə verilməsinə qarşı çıxıblar. Onlar öz iCloud hesablarındakı fotoların konfidensiallıqlarından narahatdırlar. Buna görə də konfidensiallıq məsələləri ilə bağlı aktivistlər şirkət rəhbərliyinə bu məsələ ilə bağlı məktub göndəriblər. Bu məktuba artıq 6600-dən çox istifadəçi və 10-larla təşkilat imza atıb. Onlar Apple şirkətindən bu funksiyanın hazırlanmasının dayandırılmasını və onun Apple ekosisteminə inteqrasya edilməsi planlarının ləğv edilməsini tələb edirlər.

    “Uşaqların qorunması yolunda Apple şirkətinin təqdim etdiyi texnologiya növü genişlənən infrastrukturdan asılıdır. Onun aktual olan vəziyyətində onu idarə etmək və ya texniki səviyyədə məhdudlaşdırmaq mümkün deyil. Mütəxəssislər dəfələrlə qeyd ediblər ki, problem təkcə konfidensiallıqda deyil. Bu məsələdə problem həmçinin bu funksiyanın yanlış olaraq işə düşməsində və fotoların skan olunması zamanı mümkün ola biləcək səhvlərdədir” - deyə məktubda qeyd edilib. Son günlərdə aktiv müzakirəyə çıxarılan bu mövzuya məşhur Edward Snowden də fikir bildirib. O bildirib ki, Apple şirkətinin bütün dünya üzrə insanları bu cür iri miqyasda izləmə üsulunu reallaşdırmaq planı onu narahat edir.


    Onun fikirlərinə əsasən gələcəkdə şirkət istənilən kontenti skan edə biləcək. Rəqəmsal hüquqların qorunması üzrə beynəlxalq qeyri-kommersiya təşkilatı (EFF) da istifadəçilərin fotolarının və ya mesajlarının skan olunması fikrinə qarşı çıxıb. Whatsapp təmsilçiləri bildiriblər ki, bu cür funksiya heç zaman messencerdə reallaşdırılmayacaq. Belə ki, bu funksiya konfidensiallıq məsələlərinə toxunur. Apple isə öz növbəsində skan funksiyasını ləğv etmək niyyətində deyil. Şirkət bildirib ki, istifadəçilər və təşkilatlar bu funksiyanın necə çalışdığını tam anlaya bilməyiblər. Apple təmsilçiləri əlavə ediblər ki, bu yeni funksiya iPhone istifadəçilərinin konfidensiallıqlarına heç bir halda zərər vermir. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Çində kriptovalyutalar ilə bağlı bütün tranzaksiyalar qadağan olunub

Çin Xalq Bankı kriptovalyutalarla bağlı olan istənilən tranzaksiyaların qanunsuz və qadağan olduğunu..


Avropa Komissiyası bütün cihazların şarjları üçün USB Type-C-ni vahid standarta ..

Gözlənildiyi kimi Avropa Birliyinin icraçı orqanı olan Avropa Komissiyası smartfon və digər elektron..


Apple şirkətinin AR cihazı barəsində yeni məlumatlar verilib

iPhone 13-ün təqdimatından sonra Apple şirkəti çoxlu sayda tənqidə məruz qaldı. Lakin verilmiş yeni ..


Avropa Birliyi smartfonlar üçün şarj cihazlarının vahid standartını hazırlayır: ..

Avropa komissiyası sabah smartfonlar, planşetlər və qulaqlıqlar üçün nəzərdə tutulmuş şarj cihazları..


İnsayderlər Apple A16 Bionic prosessoru barəsində ilkin məlumatları veriblər..

Mütəxəssislərin fikirlərinə əsasən iPhone 13 modellərində istifadə olunan Apple A15 Bionic prosessor..


SpaceX-in Inspiration4 adlı mülki missiyası uğurla yekunlaşıb

Inspiration4 adlı mülki missiya çərçivəsində istifadə edilmiş Crew Dragon kosmik gəmisi uğurla Atlan..

×