Apple mini-LED texnologiyası əsasında yeni monitor üzərində çalışır

    Apple şirkətinin yeni monitor üzərində çalışdığı barəsində məlumatlar daha öncə internetdə ortaya çıxıb. İndi isə bu məlumatı məşhur analitik Ming-Chi Kuo da təsdiqləyib. Onun sözlərinə əsasən şirkətin yeni monitoru 27 düym ölçülü ekrana sahib olacaq. Analitik bildirib ki, monitorun ekranı mini-LED texnologiyası əsasında hazırlanacaq, şüşə plataya sahib olacaq və ProMotion (təsvirin 120 Hz-ə kimi yenilənmə texnologiyası) texnologiyasını dəstəkləyəcək. Bununla yanaşı şirkətin yeni monitoru Apple M prosessorlarından birini əldə edəcək. Analitik yeni Apple monitoru barəsində digər bir məlumat verməyib. Gözləntilərə əsasən şirkət öz yeni monitorunun kütləvi istehsalına ya 2024-cü ya da 2025-ci ildə start verəcək. Buna görə də onun yaxın zamanda təqdim ediləcəyini gözləmək lazım deyil.