Apple şirkəti bu il 2 yeni iPad modeli təqdim edə bilər

29.07.2019 0 PAYLAŞIM 76 OXUNMA

    Artıq məlumdur ki, Apple şirkəti 5 yeni iPad modelini qeydiyyatdan keçirdib. Lakin yeni məlumatlara əsasən bu siyahıya iki yeni iPad modeli daha əlavə oluna bilər. Bu barədə Apple Insider saytına istinadən Gagadget saytı xəbər verib. Məlumata əsasən əlavə iki iPad modeli A2200 A2232 model nömrələrinə sahibdirlər. Çox güman ki, bunlar 10.2 düym və 10.5 düym ölçülü ekranlara sahib iPad modelləridir.

    Bundan əlavə olaraq məlumdur ki, bu iki iPad modeli iPadOS əməliyyat sistemi vasitəsilə çalışacaq. Adətən Apple şirkəti öz ticarət nişanlarını təqdimatdan bir neçə ay öncə qeydiyyatdan keçirdir. Buna görə də yeni iPad modelləri barəsində daha ətraflı məlumatların sentyabr ayının ortasında bilinəcəyi gözlənilir. Bir neçə müddət bundan öncə isə şirkət 5 ədəd iPad modelini qeydiyyatdan keçirtmişdi: iPad Mini, iPad, iPad Air, 11 düym ekrana sahib iPad Pro və 12.9 düym ekrana sahib iPad Pro.