Apple şirkəti iPhone ekranının videosunu çəkən tətbiqlərə 24 saat vaxt verdi

Apple şirkəti iPhone ekranının videosunu çəkən tətbiqlərə 24 saat vaxt verdi

Texnologiya
08.02.2019 PAYLAŞIM

    Dünən xəbər vermişdik ki, iPhone üçün nəzərdə tutulmuş bir sıra məşhur tətbiqlər istifadəçilərin də xəbərləri olmadan iPhone ekranlarında baş verənlərin videosunu çəkirlər. Bu məlumat ortaya çıxandan sonra Apple şirkəti həmin tətbiqlərin tərtibatçılarına 24 saat vaxt verib ki, həmin tərtibatçılar öz tətbiqlərindən smartfon ekranında baş verənlərin videosunu çəkmək funksiyasını işə salan kod sətrlərini çıxartsınlar. Əks halda Apple şirkəti həmin tətbiqləri App Store-dan siləcək. Bu barədə Macdigger saytı xəbər verib.

    Şirkət Glassbox adlı analitika platformasından istifadə edən tətbiqlərin tərtibatçılarına xəbərdarlıq verib. Öz bəyanatında şirkət təmsilçisi bildirib ki, konfidensiallığın təhlükəsizliyi Apple ekosisteminin birinci növbəli tapşırığıdır. “İstifadəçilərin konfidensiallıqlarının qorunması Apple ekosisteminin ilkin və vacib tapşırığıdır. Bizim App Store-da tətbiqlərin yerləşdirilməsi üzrə fəaliyyət göstərən rəhbərliyimiz tələb edir ki, tətbiqlər istifadəçilərdən razılıq əldə etsinlər və ekran videosunun yazılması, istifadəçi aktivliyinin izlənməsi, məlumatların əldə edilməsi məsələlərinin tam vizual təsvirini istifadəçiyə təqdim etsin. Biz artıq tərtibatçıları xəbərdar etmişik ki, onlar bizim qanunlarımızı və konfidensiallıq siyasətini pozurlar. Lazım gəldikdə biz onlara qarşı tədbir görəcəyik” – deyə şirkət təmsilçisi qeyd edib.

Bənzər xəbər


    Tərtibatçlara göndərilmiş məktubda Apple şirkəti tələb edir ki, hansısa fəaliyyəti izləməkdən öncə onlar istifadəçilərdən icazə əldə etməlidirlər. Beləliklə tərtibatçılar 24 saat ərzində öz tətbiqlərindən smartfon ekranında baş verənlərin videosunun yazılması funksiyasını işə salan kod sətrlərini çıxartmalıdırlar və həmin tətbiqləri yenidən yoxlanışa göndərməlidirlər. Əgər tərtibatçılar bu öhdəlikləri yerinə yetirməsələr, onların tətbiqləri App Store-dan silinəcək. Maraqlısı ondadır ki, Apple şirkətinin bu bəyanatı istifadəçi məlumatlarının yığılmasının tamamilə qadağan olunmasına yönləndirilməyib. Şirkət sadəcə olaraq bu prosesin reallaşdırılmasından öncə istifadəçilərdən razılığın alınmasını tələb edir.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Blue Origin şirkəti gələn ay olacaq ilk kosmik turistik uçuşa əlavə sərnişin yer..

Jeff Bezos-un Blue Origin şirkəti kosmosa ilk özəl uçuş missiyası üçün əlavə sərnişin yerini 28 mily..


NASA agentliyi astronavtları Aya yollayacaq yeni raketini sərgiləyib

NASA agentliyi ilk dəfə olaraq özünün Space Launch System (SLS) adlı raketlərini sərgiləyib...


Facebook-un ilk smart saatı barəsində yeni məlumatlar verilib

İnsayderlər Facebook şirkətinin ilk smart saatı barəsində yeni məlumatları veriblər.


Məşhur analitik Apple şirkətinin AR cihazının nə zaman təqdim olunacağını açıqla..

WWDC 2021 konfransından sonra məşhur analitik Ming-Chi Kuo, Apple şirkətinin öz artırılmış reallıq c..


Amazon-un yaradıcısı Jeff Bezos yaxın zamanda kosmosa yollanacaq

Amazon şirkətinin təsisçisi Jeff Bezos heç gözlənilmədən kosmosa uçmaq planını elan edib...


Çin Kosmik Stansiyasının yeni növ mühərriklər vasitəsilə çalışacağı məlum olub..

Yer kürəsinin orbitində yığılmasına start verilmiş Çin Kosmik Stansiyası barəsində yeni məlumatlar o..

×