Apple şirkəti yeni iPad Air 4 və iPad 8 planşet modellərini təqdim edib - QİYMƏTİ

Apple şirkəti yeni iPad Air 4 və iPad 8 planşet modellərini təqdim edib - QİYMƏTİ

Texnologiya
15.09.2020 PAYLAŞIM

    Online formatda keçirilmiş xüsusi təqdimat zamanı Apple şirkəti yeni nəsil iPad modellərini təqdim edib. Yeni nəsil iPad modellərinə 4-cü nəsil iPad Air və 8-ci nəsil adi iPad modeli daxil olublar. iPad Air 4 xarici görünüşcə iPad Air 3-dən tamamilə fərqlənir. Belə ki, o, daha bahalı iPad Pro modellərinin dizaynını əldə edib. Yeni iPad Air 4-ün künc hissələri əyilmiş formada reallaşdırılıb və nazik ekran çərçivələrinə sahibdir. Bunun sayəsində planşetin ekranı 10.9 düym-ə (2360x1640 piksel keyfiyyəti) kimi yüksəldilib. Apple şirkəti iPad Air 4-ün ekranını Liqued Display adlandırır. Bununla belə planşetin ekranı True Tone funksiyasını dəstəkləyir.


    Yeni planşetin fərqləndirici özəlliklərindən biri də odur ki, onun Lightning girişi USB Type-C ilə əvəz edilib. Bunun sayəsində də iPad Air 4-ə müxtəlif xarici ekranları, kameraları və digər aksessuarları qoşmaq mümkündür. Təəssüflər olsun ki, iPad Air 4 modelində Face ID texnologiyası reallaşdırılmayıb. Bunun yerinə yeni planşet modelində Touch ID texnologiyası mövcuddur. Əsas fərq ondan ibarətdir ki, bu dəfə Touch ID texnologiyası Home düyməsinə yox, yandırıb/söndürmə düyməsinə inteqrasiya edilib. Yeni iPad Air modelini əvvəlki Air modellərindən fərqləndirən daha bir özəllik ondan ibarətdir ki, o. iPad Pro-da olan stereo səsgücləndiricilər ilə təchiz olunub.

    Bununla yanaşı iPad Pro modelində Apple Pencil stilusu üçün olan maqnit bərkidici də iPad Air 4-ə inteqrasiya edilib. Yeni Air modeli A14 Bionic prosessoru ilə təchiz olunub. Bu çip özündə 6 nüvəli CPU-nu və 4 nüvəli GPU-nu birləşdirir. Beləliklə iPad Air 4-ün CPU-su iPad Air 3-ün CPU-su ilə müqayisədə 40% performans yüksəlişi və 30% daha yüksək qrafik sürəti sərgiləyir. Bununla yanaşı iPad Air 4 modeli 64/256 GB daxili yaddaş həcmi, 12 MP-lik arxa kamera (60 fps ilə 4K videoların çəkilişi), 7 MP-lik ön kamera (Smart HDR dəstəkli), 60% daha sürətli LTE bağlantı və Wi-Fi 6 modul ilə təchiz olunub. Planşet həmçinin Magic Keyboard klaviaturasını dəstəkləyir və bir dəfə şarj olunandan sonra 10 saat müddətində çalışa bilir. iPad Air 4 gələn ay satışa çıxacaq. Planşetin qiyməti isə aşağıdakı kimi olacaq:

- 64 GB daxili yaddaş + Wi-Fi  - 600$

- 64 GB daxili yaddaş + Wi-Fi + LTE - 729$

- 256 GB daxili yaddaş + Wi-Fi - 749$

- 256 GB daxili yaddaş + Wi-Fi + LTE - 879$.

    iPad 8 modelinə gəldikdə isə onda çox az dəyişiklik reallaşdırılıb. Planşet 2160x1620 piksel keyfiyyətli 10.2 düym Retina ekrana sahibdir. Xarici görünüşcə isə iPad 8 modeli iPad 7-dən heç də fərqlənmir. Qeyd etmək lazımdır ki, iPad Air 4 modelindən fərqli olaraq iPad 8-də Lightning girişi olduğu kimi qalıb. Bununla yanaşı iPad 8-də Touch ID texnologiyası əvvəlki modellərdə olduğu kimi Home düyməsinə inteqrasiya edilib. Yalnız birinci nəsil Apple Pencil stilusunun dəstəyi mövcuddur. Planşetin əsas dəyişiklikləri texniki özəlliklər ilə bağlıdır. Belə ki, iPad 8 modeli A12 Bionic prosessoru ilə təchiz olunub. Apple şirkətinin verdiyi məlumata əsasən iPad 8 planşeti bir sıra Windows noutbuklardan 2 dəfə, bəzi Android planşetlərdən isə 3 dəfə daha güclüdür.

    Əvvəlki modellərdə olduğu kimi iPad 8 də bir dəfə şarj olunandan sonra 10 saat çalışmaq özəlliyinə sahibdir. Digər texniki özəlliklərə gəldikdə isə planşet 32/128 GB daxili yaddaş həcmi, 8 MP-lik arxa kamera (HDR və 30 fps ilə HD videoların çəkiliş dəstəyi) və 1.2 MP-lik ön kamera ilə təchiz olunub. Planşetin komplektində USB Type-C girişinə sahib şəbəkə adapteri mövcuddur. iPad Air 4 kimi iPad 8 də stereo səsgücləndiricilərə sahibdir. Lakin iPad 8-də səsgücləndiricilər yalnız bir hissədə yerləşdiriliblər. Buna görə də planşetdən çıxan səs o qədər də həcmli deyil. iPad 8 artıq bu həftə satışa çıxacaq. Onun satış qiyməti isə aşağıdakı kimi olacaq:

- 32 GB daxili yaddaş + Wi-Fi - 329$

- 32 GB daxili yaddaş + Wi-Fi + LTE - 459$

- 128 GB daxili yaddaş + Wi-Fi - 429$

- 128 GB daxili yaddaş + Wi-Fi + LTE - 559$.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple AirPower Mini naqilsiz şarj stansiyasının real fotoları sızdırılıb

Naqilsiz şarj stansiyası olan AirPower-in ilk hazırlanma mərhələsindəki uğursuz nəticə Apple şirkəti..


Sony şirkəti PlayStation 5-in qiymətini rəsmi olaraq açıqlayıb

Sony şirkəti gecə keçirtdiyi təqdimat çərçivəsində PlayStation 5 konsolunun qiymətini və startda han..


Professional Apple AirPods Studio qulaqlığının real fotosu sızdırılıb

Artıq bir neçə aydır ki, internetdə olan məlumatlara əsasən Apple şirkəti AirPods Studio adlı yeni p..


GoPro yeni Hero 9 Black action kamerasını təqdim edib - QİYMƏTİ

GoPro şirkəti özünün yeni Hero 9 Black action kamerasını təqdim edib. Yeni kamera modeli əvvəlki Her..


Apple şirkətinin yeni A14 Bionic prosessoru Snapdragon 875-dən az performanslı o..

Prosessorun daha detallı analizi onu göstərir ki, A14 Bionic Apple şirkətinin dediyi kimi heç də o d..


Huawei şirkəti cihazların kontaktsız şarj texnologiyasının patentini əldə edib (..

Smartfonların naqilsiz şarj prosesini dəstəkləməsi dedikdə onların cərəyan mənbəsinə qoşulmuş xüsusi..

×