Apple Vision Pro-nun maya dəyəri nə qədər təşkil edir?

    Apple Vision Pro qarışıq reallıq (AR + VR / Mixed Reality) cihazının təqdimatı WWDC 2023 konfransının ən yadda qalan hissəsi oldu. İstifadəçiləri cihazın imkanları ilə yanaşı satış qiyməti də bir xeyli təəccübləndirdi. Lakin Apple Vision Pro-nun maya dəyəri əslində nə qədərdir? Wellsenn XR şirkəti Apple şirkətinin MR cihazı barəsində olan bütün məlumatları analiz edərək onun sahib olduğu komponentlərin siyahısını tərtib edib və tərtib edilmiş siyahıda komponentlərin hal hazırki bazar qiymətlərini təyin edib.

    Hal hazırda bazarda satılan digər AR cihazlardan fərqli olaraq Apple şirkətinin MR cihazı daha müasir görünür. Cihaz sözün əsl mənasında əla texniki göstəricilərə sahibdir. Lakin onun satış qiyməti hədsiz dərəcədə bahadır. Wellsenn XR şirkəti tərəfindən tərtib edilmiş siyahıya əsasən Vision Pro-nun komponentləri arasında ən baha olanları ekranlardır. Cihaz iki ədəd yüksək keyfiyyətli ekran ilə təchiz olunub.

    Hər bir ekranın qiyməti 350$ təşkil edir. MR cihazda istifadə edilən Apple M2 prosessorunun qiyməti 120$, R1 adlı köməkçi prosessorun qiynməti isə 60$-dır. Cihazın orijinal formalı gövdəsinin dəyəri 120$ qiymətləndirilir. Cihazın yığılmasının 130$-a başa gəldiyi güman edilir. Beləliklə nəticədə Vision Pro-nun maya dəyəri 1500$ təşkil edir. Təbii ki, bu qiymətə dizaynerlərin işlərinə, tədqiqatlara və s. kimi proseslərə xərclənmiş vəsaitlər daxil edilməyib.