Artıq sabah Apple şirkəti iPhone 15 smartfon seriyasını təqdim edəcək. Lakin iPhone 15-fən əlavə olaraq şirkət həmçinin Apple Watch Series 9 və Watch Ultra 2 smart saatlarını təqdim etməlidir. Bloomberg saytının məşhur insayderi Mark Gurman öz növbəsində sözügedən smart saatların hansı yeniliklərə sahib olacağı barəsində məlumatlar verib. Beləliklə insayderin sözlərinə əsasən Apple ilk növbədə öz yeni smart saatlarında istifadəçi səhhətinin monitorinqi üçün olan sensorları və komponentləri yeniləyib.

    Bu, smart saatların çalışma sürətlərinin, effektivliklərinin və istifadəçi səhhətinin müxtəlif göstəricilərinin ölçülməsi dəqiqliklərinin yüksəldilməsi üçün edilib. Qeyd etmək lazımdır ki, şirkət öz smart saatlarının son 3 nəsil versiyalarında prosessoru yeniləmirdi. İnsayder bildirib ki, şirkət bu il bu vəziyyəti dəyişmək qərarına gəlib. Belə ki, şirkətin sabah təqdim edəcəyi smart saatlar yeni prosessor vasitəsilə çalışacaqlar. Üstəlik insayder bildirib ki, yeni smart saatlara ürək göstəricilərinin ölçülməsi üçün nəzərdə tutulmuş optik sensorun yeni versiyası quraşdırılıb. Apple Watch Ultra 2 əsasən təkrar emal edilmiş materiallardan hazırlanacaq. Apple Watch Series 9-un gövdəsinin bəzi elementləri isə 3D çap vasitəsilə hazırlanacaq.