Avstriyada fəaliyyət göstərən Kreisel Electric adlı startap, adi avtomobilləri, elektrik versiyalara çevirməklə tanınır və o, bu həftə tədqiqat mərkəzini istifadəyə verib.
Bununla yanaşı startap, tamamilə elektrikli Hummer modelini təqdim edib. Electrek saytının məlumatına əsasən elektrikli Hummer modelini, Arnold Schwarzenegger təqdim edib. Təqdimatın aparıcılıq rolu üçün məhz Arnold-un seçilməyi bəlkə də ən yaxşı üsuldur. Belə ki, məşhur aktyor və Kaliforniyanın keçmiş qubernatoru, ekoloji təmiz mühitə keçməzdən öncə Hummer modelinin əsas pərəstişkarı idi. Bu il sözügedən startap, Arnold üçün tamamilə elektrikli Mercedes G-Class modelini hazırlamışdı. İndi isə o, startapın yeni tədqiqat mərkəzinin açılışında və elektrikli Hummer-in təqdimatında iştirak edib.
“Kreisel Electric, qış fəslində mənim Mercedes markalı avtomobilimi tamamilə elektrikli versiyaya çevirdi. İndi isə növbə Hummer-dədir. Əgər onlar həminki temp ilə davam etsələr, onda mən gələn dəfə elektrikli təyyarə ilə gələcəm” – deyə məşhur aktyor bildirib.
Startapın əsas iş istiqaməti, elektromobillər üçün batareyaların istehsal olunmasıdır. Öz texnologiyalarını sərgiləmək üçün şirkət, məşhur avtomobil modellərinin elektrikli versiyalarını yaradıb. Onların sırasında 55 kilovat saat batareya həcminə sahib Volkswagen Golf və qiyməti 1 milyon dollar olan Porsche 910 modeli var.
“Biz, elektrikli Hummer prototipini, H1 modeli əsasında 2 ay ərzində ərsəyə gətirdik. O, Kreisel Electric istehsalı olan yüksək effektivli batareyalar (100 kilovat saat tutumlu) və ümumilikdə 490 at gücünə sahib iki elektik mühərriki ilə təchiz olunub. Elektrikli Hummer, saatda 120 km-ə kimi sürət yığır, bir dəfə şarj olunmaqla 300 km yoll qətt edə bilir və onun çəkisi 3.300 kq-dır” – deyə şirkət rəsmiləri qeyd ediblər.
Elektrikli avtomobillər sahəsi
getdikcə daha yüksək sürətlə inkişaf edir və bir çox şirkətlər bu tərz
avtomobillərin istehsalına öz diqqətlərini ayırırlar. Dünən verdiyimiz məlumata əsasən alman avtomobil sənayesi bu baxımdan geridə qalır və hətta “Tesla” və
Çin şirkətlərinə rəqabətdə uduza bilər.
Amazon şirkətinin peyklərinin Yer kürəsinin orbitinə çatdırılması üçün United Launch Alliance şirkət..
Apple şirkəti dünən yeni məhsullarının təqdimatını keçirtdi. Təqdimat çərçivəsində ən nəzərə çarpan ..
Tayvanın MediaTek şirkəti keçən il nəzərə çarpacaq nəticələr əldə etmişdi və hətta istehsal olunmuş ..
Vaşinqtonun qanunverici orqanı yeni “Clean Cars 2030” adlı qanunu qəbul edib.
NASA agentliyi Ingenuity dronunun Mars atmosferində ilk uçuşunu uğurla reallaşdırdığını elan edib. ..
NASA agentliyi SpaceX şirkəti ilə vacib müqavilə bağlayıb.
Şərh yoxdur