Aya eniş etmiş ikinci özəl kosmik aparat ilk fotoları göndərib
Elm & Texnologiya
03.03.2025
Emil
ABŞ-ın Firefly Aerospace şirkətinə məxsus Blue Ghost kosmik aparatı Aya uğurla eniş edib. Aparat artıq Yerə ilk görüntüləri göndərib. Bu görüntülər arasında Ay səthindən çəkilmiş Yer planetinin fotoları da var. Firefly, Blue Ghost-un ilk görüntülərini bir müddət sonra dərc etməyə başlayıb. Aparat Ayın görünən tərəfində, Böhranlar Dənizində (Mare Crisium), Latrey dağı yaxınlığında eniş edib. Bu nəhəng kraterin bəzi yerlərində eni 550 km-ə çatır. Qeyd olunur ki, aparat hədəf eniş nöqtəsindən cəmi 100 metr məsafədə dəqiq eniş edib. Bunu təmin etmək üçün iki düzəliş manevri həyata keçirilib. “Aya hər hansı bir obyektin enişini təmin etmək inanılmaz dərəcədə çətin texniki nailiyyətdir” - deyə NASA nümayəndəsi Joel Kearns təqdimat zamanı bildirib.
Firefly şirkətində kosmik aparat proqramının direktoru Ray Allensworth qeyd edib ki, şirkət Blue Ghost-un eniş prosesini canlı yayımlamaqdan imtina edib. Bu qərar, telemetriya məlumatlarının ötürülməsi və bir neçə cihazın, o cümlədən təhlükə aşkarlama sisteminin işləməsi üçün rabitə kanalını boş saxlamaq məqsədilə verilib. Həmin təhlükə aşkarlama sistemi eniş zamanı iki iri qaya ilə toqquşmanın qarşısını almağa kömək edib. "NASA bunun nisbətən təhlükəsiz olacağını gözləyirdi, amma bu, heç bir riskin olmadığı demək deyil. Biz bu risklərin öhdəsindən gələ bildik və uğurlu eniş etdik" - deyə Allensworth jurnalistlərlə söhbətində bildirib. Blue Ghost tərəfindən eniş zamanı çəkilmiş şəkillərdən birində uzaq fonda solğun mavi nöqtə görünür - bu, bizim planetimizdir.
Şəkli ilk dəfə görəndə müzakirə iştirakçılarından biri belə deyib: "Biz hamımız bu fotodayıq". "Növbəti 14 gün çox çətin olacaq və biz faydalı yükə daxil olan 10 elmi cihazdan bütün məlumatları təqdim etmək üzərində çalışacağıq. Amma əminəm ki, şirkət bunun öhdəsindən gələcək" -deyə Firefly Aerospace-in baş direktoru Jason Kim mətbuat konfransı zamanı bildirib. Əsas hadisə 14 martda baş verəcək. Həmin gün Blue Ghost Ayda tam tutulmanı yüksək dəqiqlikli görüntülərlə qeydə alacaq. Bu hadisə zamanı Yer planetin Günəş işığını tamamilə bloklayacaq. Eyni vaxtda, Yer səthindən də tam Ay tutulmasını müşahidə etmək mümkün olacaq. Nəticədə, Ay dərin və qorxunc qırmızı rəngə bürünəcək.
Mənbə: Space.com
Paylaş
Ən çox oxunanlar
POCO F7 Pro və F7 Ultra flaqman smartfonları təqdim edilib - QİYMƏTİ
