Reklam
BMW şirkəti i4 adlı elektromobil konseptini təqdim etdi (VİDEO)

BMW şirkəti i4 adlı elektromobil konseptini təqdim etdi (VİDEO)

Texnologiya
04.03.2020 PAYLAŞIM

    BMW şirkəti i4 adlı elektromobilin konseptini təqdim etdi. Bununla yanaşı şirkət elektromobilin dizaynını sərgilədi və onun bəzi texniki özəllikləri barəsində məlumat verdi. Əsas olan odur ki, bu, heç zaman satışa çıxmayacaq avtomobil ideyası deyil. Sözügedən elektromobil satışa çıxmağa hazırlaşan kommersiya məhsuludur. Bu barədə Engadget saytı xəbər verib. Xarici görünüşcə yeni BMW i4-ün ön hissəsi bir neçə müddət bundan öncə təqdim edilmiş BMW Concept 4-ə bənzəyir. Lakin sözügedən elektromobilin ön hissəsində olan böyük ölçülü buxarı barmaqlığı sadəcə dizayn xatirinə reallaşdırılıb. Belə ki, elektromobil hərəkətdə olan zaman soyutma sisteminə ehtiyac duymur.

Bənzər xəbər


    Bununla yanaşı BMW i4 xarici görünüşcə çox müasir görünsə də aşırı futuristik deyil. Bu isə öz növbəsində onu digər elektromobil konseptlərindən fərqləndirir. Elektromobilin daha bir özəlliyi ondan ibarətdir ki, o, şüşə materialdan hazırlanmış panoram tavana sahibdir. Həmin tavan heç bir arakəsməyə sahib deyil və elektromobilin bütün uzunluğu şəklində yerləşdirilib. Şirkətin bu özəlliyi elektromobilin kommersiya versiyasında saxlayıb-saxlamayacağı məlum deyil. BMW i4 konsepti 5-ci nəsil eDrive transmissiyası və 530 at gücünə ekvivalent olan 390 kilovatt gücündə elektromühərrik üzərində qurulub.

    Şirkətin verdiyi məlumata əsasən elektromobil saatda 100 km sürəti 4 saniyəyə yığa bilir. Onun maksimal sürəti barəsində məlumat verilməyib. Elektromobilin salon dizaynına gəldikdə isə o, minimalizm tərzində hazırlanıb. Sürücünün önündə əyilmiş formadan hazırlanmış böyük ölçülü ekran yerləşir. Həmin ekranda əks olunan məlumatlar isə elektromobilin hərəkəti zamanı dinamik olaraq dəyişirlər. BMW i4-ün daha bir maraqlı özəlliyi də ondan ibarətdir ki, elektromobilin hərəkəti, qapıların açılıb-bağlanması və digər funksiyaların yerinə yetirilməsi zamanı xüsusi səslər ortaya çıxır. Məlumata əsasən sözügedən elektromobil üçün bütün səsləri məşhur bəstəkar Hans Zimmer hazırlayıb. BMW i4-ün kommersiya məqsədli satışı 2021-ci ilə planlaşdırılır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Xiaomi öz avtopilot texnologiyasını sərgiləyib (VİDEO)

Xiaomi şirkəti özünün avtomobillər üçün nəzərdə tutulmuş avtopilot sistemi barəsində ilk məlumatları..


Xiaomi Mi Pad 5 Pro planşeti, Watch S1 Pro smart saatı və naqilsiz Buds 4 Pro qu..

Qatlana bilən Xiaomi Mix Fold 2 və Redmi K50 Ultra smartfonları ilə yanaşı şirkət həmçinin Mi Pad 5 ..


Xiaomi insana bənzər CyberOne adlı robotu təqdim edib (VİDEO)

Xiaomi şirkəti insana bənzər CyberOne adlı robotu təqdim edib.


Samsung Galaxy Watch 5 smart saatları və naqilsiz Buds 2 Pro qulaqlıqları təqdim..

Samsung şirkəti qatlana bilən yeni smartfonları (Galaxy Z Fold 4 və Galaxy Z Flip 4) ilə yanaşı həmç..


Qatlana bilən smartfon, naqilsiz qulaqlıqlar və planşet: Xiaomi 11 avqustda təqd..

Xiaomi şirkəti 3 yeni məhsulunun tizer materiallarını təqdim edib.


Məşhur analitik Apple şirkətinin qarışıq reallıq cihazı haqqında yeni məlumatlar..

Analitikin sözlərinə əsasən şirkət il ərzində 1.5 milyon ədəd qarışıq reallıq cihazını satışa çıxart..

×