Bu ilin oktyabr ayı tarix ərzində müşahidə edilmiş ikinci ən isti oktyabr ayı olub
Elm & Texnologiya
19.11.2024
Emil Nəcəfov
Alimlər təyin ediblər ki, bu ilin oktyabr ayı tarix ərzində müşahidə edilmiş ikinci ən isti oktyabr ayı olub. Belə ki, keçən ay ortalama temperatur göstəricisi 15.32 dərəcə Selsi təşkil edib. Milli Okean və Atmosfer Tədqiqatları İdarəsinin (NOAA) məlumatlarına əsasən bu, keçən ilin oktyabr ayında müşahidə edilmiş ortalama temperatur göstəricisindən yalnız 0.05 dərəcə Selsi daha aşağıdır. Nəticədə keçən ilin oktyabr ayı tarix ərzində müşahidə edilmiş ən isti oktyabr ayı, bu ilin oktyabr ayı isə tarix ərzində müşahidə edilmiş ikinci ən isti oktyabr ayı olub. Bununla yanaşı alimlər qeyd ediblər ki, keçən il müşahidə edilmiş ortalama temperatur göstəricisi 20-ci əsrdəki 14.0 dərəcə Selsi ortalama temperatur göstəricisindən 1.32 dərəcə Selsi daha yüksəkdir.
Mütəxəssislər bildirblər ki, planetin qızmasının davam etməsində əsas səbəb insan fəaliyyəti nəticəsində atmosferə ifraz olunan parnik qazlarıdır. NOAA məlumatları sayəsində müəyyən edilib ki, ümumilikdə 2024-cü il tarix ərzində müşahidə edilmiş ən isti il ola bilər. Qeyd etmək lazımdır ki, ümumi il üzrə ortalama temperatur rekordu keçən il qırılmışdı. Məlumata əsasən keçən ay planet səthinin 12%-də yüksək temperatur göstəricisi müşahidə edilib. Oktyabr ayının temperaturu Qrenlandiya, mərkəzi və cənub Afrika, Mərkəzi Asiyanın bəzi regionları və Antarktidanın şərq regionunun böyük hissəsi istisna olmaqla quru sahənin böyük hissəsində ortalama temperaturdan daha yüksək olub.
Linki kopyala
Bənzər xəbərlər
Oxşar xəbərlər
Planetdə temperatur daha öncə gözlənildiyindən iki dəfə daha çox artacaq
Planetdə temperatur daha öncə gözlənildiyindən iki dəfə daha çox artacaq
Mütəxəssislərin fikirlərinə əsasən planetimizdə müşahidə edilən qlobal istiləşmə əvvəlki proqnozlardan iki dəfə daha pis olacaq. Burdan da belə qənaətə gəlmək olar ki, Yer kürəsi faciəvi səviyyədə istiləşmə yolunda hərəkət edir.
Ağaclar artıq CO2-ni effektiv şəkildə uda bilmirlər
Ağaclar artıq CO2-ni effektiv şəkildə uda bilmirlər
Aparılmış yeni tədqiqatın nəticələrinə əsasən ağacların karbon qazını udma proseslərinə baxmayaraq Yer kürəsinin atmosferində parnik qazlarının miqdarı artmaqda davam edir.
Almaz tozu ilə qlobal istiləşmənin qarşısını almaq mümkün ola bilər: Bəs necə?
Almaz tozu ilə qlobal istiləşmənin qarşısını almaq mümkün ola bilər: Bəs necə?
Qlobal istiləşmə Dünyadakı hər kəsi təhdid edən amillərdən biridir. Müxtəlif geomühəndislik metodları ilə bunun qarşısının alına biləcəyi düşünülür. Yeni bir tədqiqat isə almaz tozlarının istifadəsini təklif edir.
Planetdəki ortalama temperatur kritik sərhəddən iki dəfə yüksək ola bilər
Planetdəki ortalama temperatur kritik sərhəddən iki dəfə yüksək ola bilər
Tədqiqatçılar güman edirlər ki, insanların bütün səylərinə baxmayaraq planetin qlobal istiləşməsini məhdudlaşdırmaq mümkün olmayacaq və o, 1.5 dərəcə Selsi temperatur sərhədini keçəcək.
Qlobal istiləşmə səbəbilə Antarktida sürətlə yaşıllaşır
Qlobal istiləşmə səbəbilə Antarktida sürətlə yaşıllaşır
Alimlər aparmış olduqları yeni tədqiqat çərçivəsində Antarktidanın və onun iqliminin müşahidəsinə diqqət ayırıblar.
Həftənin xəbərləri
