Bu yüzilliyin sonuna kimi insanlar su qıtlığı problemi ilə qarşılaşacaqlar
Elm & Texnologiya
03.06.2024
Emil Nəcəfov
Yer kürəsi insan həyatının bütün sahələrini əhatə edəcək iqlim böhranı ilə qarşı-qarşıyadır. Son məlumatlara əsasən keçən il insanlıq tarixinin ən isti ili kimi qeyd edilib. Bu il böyük ehtimalla daha isti keçəcək. Planetin ortalama temperaturu artmaqda davam edir. Buna görə də bizləri daha intensiv istilik dalğaları, quraqlıqlar və meşə yanğınları gözləyir. Bütün bunların fonunda alimlər bildiriblər ki, insanlar bu yüzilliyin sonuna kimi həmçinin su qıtlığı problemi ilə qarşılaşacaqlar. Alimlərin aparmış olduqları yeni tədqiqatın proqnozlarına əsasən artıq 2100-cü ilə kimi bizləri qlobal su qıtlığı problemi gözləyir və bu problem planet əhalisinin 66%-ni əhatə edəcək.
Alimlərin sözlərinə əsasən insanlar suyun miqdarı və keyfiyyəti ilə bağlı problemlərin həll edilməsi strategiyalarına gələcəkdə yenidən nəzər yetirməlidirlər. Alimlər tərəfindən aparılmış tədqiqatda suyun miqdarı və keyfiyyəti ilə bağlı qəliz qlobal modeldən istifadə edilib. Məhz həmin modelin proqnozuna əsasən bu yüzilliyin sonuna kimi ciddi problem öz əksini tapacaq. İnsanlar müxtəlif məqsədlər üçün təmiz suya ehtiyac duyurlar. Buna görə də mütəxəssislər yaxın gələcəkdə hansı regionların nə zaman su qıtlığı probleminə daha həssas olacaqlarını təyin etməyə çalışıblar. Onların fikirlərinə əsasən gələcək su qıtlığı probleminin qiymətləndirilməsi üçün aşağıdakı 3 faktor önəmlidir.
- Suyun mövcudluğu
- Suyun keyfiyyəti
- Su resurslarına olan tələbat.
Aparılmış tədqiqatın nəticələrinə əsasən planet əhalisinin 55%-i il ərzində minimum 1 ay su qıtlığndan əziyyət çəkən regionlarda yaşayır. Tədqiqata əsasən bu yüzilliyin sonuna kimi bu cür regionlarda yaşayanların sayı 66%-ə yüksələcək. Alimlər xəbərdarlıq ediblər ki, gələcəkdə su qıtlığı problemi kəskinləşsə də, bunun nəticələri Yer kürəsinin bütün regionlarını eyni şəkildə əhatə etməyəcəklər. Məlumatda qeyd edilib ki, gələcək risklər əsasən Qlobal Cənub regionuna daxil olan ölkələri əhatə edəcək. Belə ki, bu ölkələrdə əhalinin və iqtisadiyyatın yüksək sürətlə artımı, intensiv iqlim dəyişikliyi və su keyfiyyətinin aşağı düşməsi müşahidə edilir. Mütəxəssislər xüsusi olaraq qeyd ediblər ki, suyun miqdarı kimi onun keyfiyyəti də çox önəmlidir. Təmiz su qıtlığı həm insanlar həm də ekosistem üçün sistemli risk deməkdir.
Linki kopyala
qlobal istileshme
iqlim deyishikliyi
science
science news
elmi xeberler
qlobal istilesme
iqlim deyisikliyi
global warming
climate change
Bənzər xəbərlər
Oxşar xəbərlər
Mikroplastik hissəciklərə rast gəlinən yerlərin siyahısı təqdim edilib
Mikroplastik hissəciklərə rast gəlinən yerlərin siyahısı təqdim edilib
Demək olar 170 il bundan öncə ilk plastik material hazırlanmışdı. 1970-ci illərdə isə alimlər artıq mikroplastik barəsində danışmağa başladılar. 2004-cü ildə mikroplastik hissəciklər Britaniyanın sahillərində aşkar ediləndən sonra bu termin geniş şəkildə tanınmağa başladı.
İstilik dalğaları səbəbilə bütün dünyada həyatlarını itirmiş insanların sayı məlum olub
İstilik dalğaları səbəbilə bütün dünyada həyatlarını itirmiş insanların sayı məlum olub
Avstraliyanın Monaş Universitetinin mütəxəssisləri bütün dünyada istilik dalğalarının səbəb olduqları ölümlərin qlobal xəritəçəkməsi üzrə ilk tədqiqatı aparıblar.
Artıq tikintidə beton əvəzinə taxtadan istifadə edilə bilər!
Artıq tikintidə beton əvəzinə taxtadan istifadə edilə bilər!
Çoxmərtəbəli binaların tikinti sənayesində inqilabi material olan Çapraz Laminatlı Taxtalardan istifadə oluna bilər.
40 işıq ili uzaqlığında Yer kürəsinə bənzəyən yeni ekzoplanet kəşf edilib
40 işıq ili uzaqlığında Yer kürəsinə bənzəyən yeni ekzoplanet kəşf edilib
Alimlər TESS kosmik teleskopundan istifadə edərək Yer kürəsindən 40 işıq ili uzaqlığında yerləşən yeni ekzoplaneti kəşf ediblər.
Növbəti 10 il ərzində baş transplantasiyasının robotlar tərəfindən həyata keçirilməsi planlaşdırılır! (VİDEO)
Növbəti 10 il ərzində baş transplantasiyasının robotlar tərəfindən həyata keçirilməsi planlaşdırılır! (VİDEO)
BrainBridge adlı startapın fikrincə, aşağı büdcəli elmi fantastika filmi kimi səslənsə də, robotlar tərəfindən baş transplantasiyası cəmi on il ərzində reallığa çevrilə bilər.
Həftənin xəbərləri
