Dünyada ilk dəfə bir pasient titan ürək vasitəsilə 100 gün yaşaya bilib

     Ürək çatışmazlığı olan bir kişiyə donor orqan gözlədiyi müddətdə həyatda qalması üçün müvəqqəti tədbir kimi titan ürək nəql edilib. Təcrübə bu prosedurun uğurlu və təhlükəsiz olduğunu göstərib. Gələcəkdə bu texnologiya, transplantasiya növbəsində olan milyonlarla insanın həyatını xilas etmək üçün bir vasitəyə çevrilə bilər. Avstraliyadan olan bir kişi BiVACOR adlı titan ürək əldə edib və onunla 100 gündən çox yaşayıb. İndiyə qədər cəmi beş nəfərə bu cür süni ürək müvəqqəti müalicə vasitəsi kimi nəql edilib. Lakin onların hamısı bu cihazdan maksimum 1 ay istifadə edə bilib. BiVACOR cihazını ABŞ-dan olan biotibbi mühəndis Daniel Timms icad edib. Bu cihaz tam süni ürəkdir və fasiləsiz işləyən nasos prinsipi ilə çalışır. Onun içərisində maqnitlə havada saxlanılan rotor, qanı bədən boyunca nizamlı impulslarla dövr etdirir. Cihazın əsas xüsusiyyətləri:

- Dərialtı kabel vasitəsilə xarici portativ nəzarət cihazına qoşulur.

- Gündüz batareyalarla işləyir, gecə isə elektrik şəbəkəsinə qoşula bilər.

     Bu süni ürək ağır ürək çatışmazlığı diaqnozu qoyulmuş bir avstraliyalı xəstəyə implantasiya edilib. O, 3 ay boyunca bu cihazla yaşayıb və nisbətən normal həyat sürüb. Donor tapıldıqdan sonra isə ona insan ürəyi transplantasiya edilib. Hazırda alimlər BiVACOR cihazını daha 15 xəstə üzərində sınaqdan keçirməyi planlaşdırırlar. Bu, cihazın təhlükəsizliyi ilə bağlı daha əsaslı nəticələr çıxarmağa imkan verəcək. Buna baxmayaraq, tədqiqatçılar indiyə qədər əldə edilən nəticələrdən çox razıdırlar və əmindirlər ki, bu texnologiya gələcəkdə minlərlə insanın həyatını xilas edəcək. Hazırda bir çox xəstə donor orqanı gözləyərkən həyatını itirir.

Mənbə: Nature.com

Bənzər xəbərlər

Elm & Texnologiya

Yadplanetli həyat növünün hansı planetlərdə axtarılmalı olduğu açıqlanıb

Alimlər illərdir ki, yadplanetli həyat növünün axtarışındadırlar. Ənənəvi yanaşmaya görə, həyat Yerə bənzər planetlərdə axtarılır, çünki bizim planetimizdəki şəraitin başqa dünyalarda da canlı orqanizmlərin inkişafına kömək edə biləcəyi düşünülür.

Elm & Texnologiya

Yerdə ən çox rast gəlinən minerallardan biri Marsda aşkar edilib

Alimlər NASA-nın Perseverance aparatı tərəfindən toplanmış məlumatları təhlil edərək Marsda ilk dəfə olaraq saf kvars kristallarının aşkar edildiyini müəyyən ediblər.

Elm & Texnologiya

Elmə məlum ən kiçik qalaktika kəşf edilib

Biz 100 000 işıq ili ölçüsündə olan Süs Yolu qalaktikasında yaşayırıq. Bizə ən yaxın böyük qalaktika isə Andromeda qalaktikasıdır, onun ölçüsü təxminən 220 000 işıq ili olaraq qiymətləndirilir. Astronomlar Hubble kosmik teleskopu vasitəsilə Andromeda qalaktikasının peykləri olan bir qrup kiçik qalaktika aşkar ediblər.

Elm & Texnologiya

Yer kürəsinə yaxın ulduz ətrafında 4 yeni planet kəşf edilib

Yerə ən yaxın ulduz sistemi Alfa Sentavrdır. Lakin bu, üçlü ulduz sistemidir. Barnard ulduzu isə bizə ən yaxın tək ulduzdur. Uzun illər ərzində astronomlar bu kiçik ulduzun ətrafında planetlərin fırlandığından şübhələnirdilər, lakin bunun heç bir sübutu yox idi.

Elm & Texnologiya

Saturn planetinin 128 yeni peyki kəşf edilib

Yupiter, Günəş sistemində ən çox peykə sahib olan planet yarışında Saturndan geridə qalıb. Son müşahidələr Saturnun 128 yeni peykinin aşkar edildiyini göstərib. Bu da onun ümumi peyklərinin sayını 274-ə çatdırıb.