Dünyanın aparıcı 6 biohackeri

Qeyd etmək lazımdır ki, sinqulyarlıq insan ilə robotun birləşməsi mənasını verir. Sözügedən konfransın əsas qonaqları isə biohackerlər olub. Bu insanlar öz evlərinin qarajlarında müxtəlif implantlar üzərində çalışırlar. Həmin implantlar isə insanın koqnitiv və fiziki imkanlarının genişləndirilməsi üçün nəzərdə tutulub.

Transhumanizm cərəyanından ilhamlanmış Koventri Universitetinin professoru Kevin Warwick, 1998-ci ildə ilk insan idi ki, öz dərisinin altına silisiumdan hazırlanmış ötürücü yerləşdirmişdi. Həmin ötürücü vasitəsilə Kevin avtomatik olaraq evin qapısını aça və ya işıqları yandıra bilərdi. 4 ildən sonra isə o, Braingate adlı implant sistemini bədəninə quraşdırdı. Həmin sistem internet vasitəsilə onun sinir sistemindəki siqnalları ötürə bilir. Beləliklə o öz bionik əlini idarə edə və bu cür sistemə sahib həyat yoldaşı ilə telepatik səviyyədə ünsiyyət qura bilir.

22 yaşında olarkən Young platformadan qatar altına yıxılaraq bir qolunu və ayağını itirmişdi. Metal Gear Solid kompüter oyunundan ilhamlanaraq o özünə xüsusi protez yerləşdirdi. Həmin protez lazer, USB giriş və kiçik dron üçün xüsusi yer ilə təchiz olunub. Dizaynerlər tərəfindən yaradılmış bu protez nəticədə çox ağır oldu. Lakin buna baxmayaraq Young bu vasitə ilə özünə çoxlu diqqət çəkmişdi. İndi isə o, skelete birləşdirilən xüsusi protez üçün pul yığır. Beləliklə skeletə birləşdiriləcək protezi o, beyin impulsları vasitəsilə idarə edə biləcək.

Kiberrəssam Harbisson çox nadir hallarda rast gəlinən xəstəlikdən əziyyət çəkir. Belə ki, o, ətraf dünyanı yalnız ağ-qara rənglərdə görür. Lakin onun kəllə sümüyünə yeridilmiş xüsusi anten rəng spektrini digər duyğulara çevirir. Beləliklə Harbisson həmin duyğuları vibrasiyaya çevirərək rəngləri görə bilir. “Çoxları düşünür ki, bu anten xəstəliklə mübarizə aparmağım üçün mənə lazımdır. Lakin mənim üçün maraqlı olan, rəng də daxil olmaqla hiss edə bilmədiklərimi qəbul etməyim idi. Lakin indi mən ultrabənövşəyi və infraqırmızı spektri hiss edə bilirəm. Mənim ən çox sevdiyim rəng, insanların görmədikləri infraqırmızı rəngdir. Onun çox aşağı tezliyi var və o sakitdir” – deyə Harbisson bildirib.

Sinclair informatika, linqvistika və vizual mədəniyyət sahələrində çalışır. Əks olunduğu fotoda o, telekinetik neyinterfeysi test edir. Həmin neyrointerfeys, cəmləşdirilmiş diqqət enerjisini xarici obyektin idarəsinə ötürür. Başqa sözlə desək, Sinclair öz şüur gücü ilə dronu uçmağa məcbur edir.

Uşaq vaxtı bir gözünü itirmiş dokumentalist-resjissor 2009-cu ildə boş qalmış göz nahiyəsinə kamera və ötürücü yerləşdirmişdi. “Mən bir gözlülər arasında əsl ulduza çevrilmişdim. Əgər kimdəsə belə bədbəxt hadisə baş verirdisə, analar öz uşaqlarına deyirlər: “Ona bax Billi. Bu ki, əladır””. Lakin bir çoxları Rob-un onları öz gözü ilə çəkməsinə hirslərnirlər.

Zöllner Berlinin Constitute adlı layihə iştirakçılarından biridir. Onun başına bərkidilmiş xüsusi dəbilqə kameralar ilə təchiz olunub. Beləliklə həmin dəbilqə vasitəsilə insanı üstələyən müxtəlif canlı orqanizmlərin gözləri ilə dünyanı görmək mümkündür. “Hamı müxtəlif cür reaksiya verir. Bu bir növ turşuluğu olmayan turşuya bənzəyir. Bütün fiziki mühit artıq təhlükəsiz hiss olunmur. Sən düz yolda gəzə bilmirsən. Lakin narahat olduğun bir şeyə diqqətini cəmləyə bilərsən. Biz buqələmunun görmə qabiliyyətindən başladıq. Lakin ən çox uğuru atın görmə qabiliyyətində qazandıq. Kəllə sümüyünün hər iki tərəfində gözlərə sahib olmaq qeyri-adi və əyləncəlidir” – deyə Zöllner bildirib.