Elon Musk-ın, Marsı məskunlaşdırmaq planı
Elm & Texnologiya
16.06.2017
Farid Pardashunas
“SpaceX” şirkətinin CEO-su Elon Musk öz yazısında Mars planetinin məskunlaşması mövzusu üzrə planını qeyd edib.
Onun tərəfindən hazırlanmış qrafik
və cədvəllər, Mars planetinə uçuş qiymətinin necə aşağı salınmasını və insan
növünün multiplanetar növ olmasının yolunu göstərir. Öz yazısında Musk, Marsın
məskunlaşması üzrə öz nöqteyi nəzərini və 2020-ci ildə artıq həmin planetə
uçuşu reallaşdıracaq aparıcı texnologiyaları qeyd edib. Musk-ın fikrincə
gec-tez Yer kürəsindəki insanlar məhv olacaqlar. Buna görə də kosmosdakı digər
planetlərdə məskunlaşmaq prosesi haqqında artıq tədarük görmək və multiplanetar
növ olmaq lazımdır. Nə vaxtsa Mars, bizim planetlə ortaq xüsusiyyətlərə sahib
olub və o indi də vacib resurslarla zəngindir. Qravitasiya, atmosfer və gün
işığının olması da müəyyən normal səviyyədədir. Bununla yanaşı Marsı isitsək,
onda o, həyatın varolması üçün daha da münbit obyektə çevriləcək. Marsda məskunlaşmaq,
insanlığın inkişafı üçün təbii mərhələ olmalıdır. Lakin ilk öncə uçuş xərclərini
aşağı salmaq lazımdır. Müasir texnologiyalar vasitəsilə bu cür uçuş 10 milyard
dollara başa gələcək. Lakin həmin qiymət göstəricisini 200.000$-a endirmək
lazımdır. Marsa uçuş prosesinin xərcinin aşağı salınması üçün bir neçə mərhələdən
keçmək lazımdır.
İlk mərhələdə uzun məsafəli
uçuşlar üçün nəzərdə tutulmuş təkrar istifadəyə yararlı nəqliyyat növü
yaradılmalıdır. “SpaceX” artıq bunun üzərində çalışır. Belə ki, İyun ayının əvvəlində
şirkət, Dragon adlı yük kosmik gəmisinin təkrar uçuşunu reallaşdırdı. Kosmik gəmiləri
yanacaqla təmin etmək üçün kosmosda yanacaqdoldurma stansiyaları olmalıdır.
Raketlər üçün yanacağın özü isə Marsda istehsal olunmalıdır. Yazının digər bir
hissəsi isə bu layihənin müddəti haqqında proqnozlardır. “SpaceX”in planına əsasən
Dragon 2 kosmik gəmisi 2 ildən sonra Marsa yollanacaq. 2020-ci ildədə şirkət,
Dragon kosmik gəmisinin iştirak edəcəyi daha bir uçuş reallaşdıracaq. Kosmik gəmini
idarə edən insanlar ilə birlikdə Mars planetinə uçuş isə 2020-ci illərdə
reallaşdırılacaq. Gələcəkdə olacaq Mars planetinin məskunlaşması üzrə özəlliklər
artıq indiki günümüzdə bir çox sahənin mütəxəssisi tərəfindən öyrənilir. Beləliklə
həkimlər aşkar ediblər ki, ilk dəfə insanların iştirak edəcəkləri bu cür
missiya zamanı onların xərçəng xəstəliyinə yoluxmaları ehtimalı yüksək olacaq.
Kalqari Universiteti, Mars memarlığı üzrə kurslara start verib. NASA isə kosmosda
tərəvəz və meyvələrin yetişdiriləcəyi münbit şəraitin prototipini hazırlayıb.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ