Evan Blass, HTC U12 Plus-ın fotosunu və məlumatlarını təqdim etdi
Elm & Texnologiya
16.03.2018
Emil Nəcəfov
Məşhur insayder Evan Blass HTC şirkətinin yeni flaqman modeli olacaq U12 Plus-ın fotosunu və bir sıra texniki özəliklərini paylaşıb.
İlk əvvəl güman olunurdu ki, şirkətin
yeni flaqman modeli U12 adlanacaq. Lakin görünür, bu belə olmayacaq. HTC U12
Plus modeli 6 inç-lik WQHD+ ekranla təchiz olunacaq. Təqdim olunmuş fotodan da
görmək olar ki, smartfonun ön panelində ikili kamera yerləşdirilib. Məlumata əsasən
ön kamera 8 MP-lik olacaq. Arxa paneldə isə 16 MP + 12 MP ikili kamera yerləşdiriləcək.
Həmçinin ikili arxa kameranın alt hissəsində barmaq izi skanı yerləşəcək.
Texniki özəlliklərə gəldikdə isə smartfon Snapdragon 845 posessoru, 6 GB RAM,
64/128 GB daxili yaddaş (microSD dəstəkli) və 3420 mAh enerji tutumlu batareya
ilə təchiz olunacaq. Smartfon Android Oreo əməliyyat sistemi vasitəsilə
çalışacaq və həmçinin ikinci nəsil Edge Sense texnologiyasını əldə edəcək. Bir
neçə müddət bundan öncə Evan Blass məlumat vermişdi ki, smartfon Aprel ayında təqdim
olunacaq. Lakin istehsalat problemi nəticəsində təqdimatı May ayına təxirə
saldılar. Qeyd etmək lazımdır ki, HTC şirkəti bu il U12 Plus modelindən başqa həmçinin
Desire 12 və Desire 12 Plus adlı büdcəli smartfon modellərini də təqdim edəcək.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!