Facebook öz Messenger'nə pul köçürmələrini əlavə etmək istəyir, lakin banklar razılaşmır

    The Wall Street Journal saytının verdiyi məlumata əsasən banklar öz müştərilərinin tranzaksiya məlumatlarını paylaşmağa razı olsalar Facebook şirkəti Messenger-ə pul köçürmələri funksiyasını əlavə etməyə hazır olacaq. İstifadəçilərin Messenger vasitəsilə bir-birilərinə pul köçürmələrini və alış-veriş etmələri üçün Facebook təmsilçiləri ABŞ bankları ilə danışıqlar aparır. Bu cür təklif ilə Facebook artıq JPMorgan Chase, Wells Fargo, Citygroup Inc və U.S. Bancorp kimi banklara müraciət edib.

    Lakin bir neçə müddət bundan öncə Cambridge Analytica şirkəti ilə baş vermiş qalmaqaldan sonra banklar Facebook-un güvənliyinə şübhə ilə yanaşırlar. Onlar əsaslı şəkildə qorxurlar ki, müştərilərin konfidensial məlumatları üçüncü tərəfin əlinə keçərək heç də yaxşı olmayan işlərdə istifadə oluna bilər. Çoxlu müştəri cəlb etmək və mobil ödəmələrin sayını artırmaq üçün milyardlarla istifadəçi kütləsinə sahib online platformalara çıxış fikri yarananda banklar böyük təzyiqlər ilə qarşılaşırlar.

    Bir qayda olaraq bu cür platformalar reallaşdırılan tranzaksiyalar üzərində tam idarəni banklardan tələb edirlər. Məsələn Facebook şirkəti Messenger-dən kənarda istifadəçilərin harda alış-veriş etdikıləri və kredit ilə debet kartlarla ödəniş məlumatlarını tələb edir. Əməkdaşlıq məsələsində Google ilə Amazon şirkətləri də bu məlumatları banklardan tələb edirdilər. JPMorgan Chase bankı artıq bu cür təklifdən imtina edib və o, müştərilərin tranzaksiya məlumatlarını paylaşmaq istəmir. Ümumiyyətlə ABŞ-ın bank sektoru konservativ olaraq qalır və innovativ qərarları çox ləng şəkildə tətbiq edir.