main-post-cover

    Google Pixel Tablet planşeti təqdim edilib - QİYMƏTİ

    Elm & Texnologiya
    11.05.2023
    Farid Pardashunas
        Google şirkəti Google I/O 2023 konfransı çərçivəsində Pixel Tablet planşetini təqdim edib. İnsayderlərin öncədən də güman etdikləri kimi sözügedıən planşet səsgücləndiricilərə sahib xüsusi stansiya vasitəsilə Google Nest Hub smart ekranının bəzi funksiyalarını özündə birləşdirir. Pixel Tablet planşeti alüminium materialdan hazırlanmış gövdəni əldə edib. O, 2560x1600 piksel keyfiyyətli 10.95 düym IPS ekran ilə təchiz olunub. Ekranın maksimal parlaqlıq səviyyəsi 500 nit təşkil edir. Barmaq izi skanı texnologiyası yandırıb/söndürmə düyməsinə inteqrasiya edilib.
        Planşet özündə 4 ədəd səsgücləndiricini və 3 ədəd mikrofonu birləşdirir. Əsas texniki göstəricilərə gəldikdə isə Pixel Tablet Google Tensor G2 prosessoru, 8 GB RAM, 128/256 GB daxili yaddaş həcmi, 8 MP-lik (f/2.0 diafraqma, 84 dərəcə bucaq əhatəsi) arxa kamera, 8 MP-lik (f/2.0 diafraqma, 84 dərəcə bucaq əhatəsi) ön kamera və 27 vatt saat-lıq batareya ilə təchiz olunub. Şirkətin verdiyi məlumata əsasən bu batareya vasitəsilə planşet video izləmə rejimində 12 saat ərzində çalışa bilir.
        Qeyd etmək lazımdır ki, planşeti kompakt ölçülü stansiyanın üzərində quraşdırıb Google Home düyməsinə klikləyəndənm sonra planşetin ekranında smart evin bütün cihazları əks olunacaq. Buna misal olaraq smart televizoru və ya smart tozsoranı gətirmək olar. Kompakt ölçülü stansiya özündə səsgücləndiriciləri birləşdirir və həmçinin şarj cihazı rolunda çıxış edir. Qeyd etmək lazımdır ki, Pixel Tablet Android 13 vasitəsilə çalışır. Planşet iyun ayının sonunda satışa çıxacaq. 128 GB yaddaşa sahib model 499$-a, 256 GB yaddaşa sahib model isə 599$-a satılacaq.
    Linki kopyala

    Bənzər xəbərlər

    Oxşar xəbərlər