Honor şirkəti Honor 7 smart qolbağının qlobal versiyasını təqdim edib. Smart qopbağın qlobal versiyası Çində satılan versiyasının bütün funksionallığını özündə qoruyub saxlayıb. Honor Band 7-nin gövdəsi metal materialdan hazırlanıb və o, 1.47 düym AMOLED ekran ilə təchiz olunub. Ekran həmçinin 2.5D qoruyucu şüşə ilə əhatə olunub. Smart qolbaq 96 növ idman rejimini dəstəkləyir, ürək döyüntülərinin və qandakı oksigen miqdarının ölçülməsini təmin edir.

    Bununla yanaşı Honor Band 7 istifadəçinin yuxu keyfiyyətini də monitorinq edir. Smart qolbaq bir dəfə şarj olunandan sonra intensiv rejimdə 10 gün ərzində, adi rejimdə isə 2 həftə ərzində çalışa bilir. Qolbağa quraşdırılmış Bluetooth 5.2 texnologiyası öz növbəsində onun vasitəsilə smartfondakı kameranı və ya musiqini idarə etməyə imkan verir. Honor Band 7 artıq Avropa bazarında satışa çıxıb və 59 avroya satılır.