Qeyd etmək lazımdır ki, keçən ayın sonunda “Google”, “HTC”nin mobil şöbəsini aldı. Bir faktı da qeyd etmək lazımdır ki, “Google” üçün Pixel modelini məhz “HTC” istehsal edirdi. Lakin bu o demək deyil ki, şirkət öz smartfonlarını istehsal etməyəcək. Bu ilin May ayında şirkət öz flaqman modeli olan U11-i təqdim etmişdi. Yüksək texniki göstəricilərlə yanaşı həmin smartfonun əsas özəlliyi Edge Sense adlı funksiyasında idi. Bu funksiya sayəsində istifadəçi, smartfonun kənarlarını əl ilə sıxaraq cihazı idarə edə bilirdi.

2 Noyabr tarixində “HTC” öz yeni tədbirini keçirdəcək. Güman olunur ki, həmin tədbirdə şirkət U11 Plus modelini təqdim edəcək. HTC U11 Plus modelinin güman olunan göstəriciləri isə belədir: Corning Gorilla Glass qoruyucu şüşəsinə sahib 6 inç Quad HD+ ekran, 8 nüvəli Snapdragon 835 prosessoru, Adreno 540 qrafik sürətləndirici, 4/6 GB RAM, 64/128 GB daxili yaddaş (microSD dəstəkli), f/1.7 diafraqmalı, optik stabilizasiyalı və 4K çəkiliş özəllikli 12 MP-lik arxa kamera, 8 və ya 16 MP-lik ön kamera və Quick Charge 3.0 funksiyalı 3300 mAh enerji tutumlu batareya. Çox güman ki, yeni model Android 8.0 Oreo əməliyyat sistemi vasitəsilə çalışacaq. HTC U11 Plus-ın qiyməti haqqında isə heç bir məlumat yoxdur.