Reklam
Huawei'dən GT2 adlı yeni smart saat modeli - QİYMƏT

Huawei'dən GT2 adlı yeni smart saat modeli - QİYMƏT

Texnologiya
20.09.2019 PAYLAŞIM

    Dünən Huawei şirkəti Mate 30Mate 30 Pro flaqman smartfon modellərindən əlavə olaraq GT2 adlı yeni smart saat modelini də təqdim etdi. Lakin əvvəlki modeldən fərqli olaraq GT2 iki ölçüdə satışa çıxacaq. Bununla yanaşı yeni smart saat modeli daxil olan zənglərə cavab və musiqilərin lokal saxlanması özəlliklərini əldə edib. Beləliklə GT2 42 mm və 46 mm ölçülərdə satışa çıxacaqlar. 42 mm ölçülü model 390x390 piksel keyfiyyətli 1.2 düym AMOLED ekran, 46 mm ölçülü model isə 454x454 piksel keyfiyyətli 1.39 düym AMOLED ekran əldə edib.


    46 mm ölçülü GT2 modeli xarici görünüşcə birinci model GT-ni xatırladır. 42 mm ölçülü GT2 isə daha minimalistik dairəvi gövdə əldə edib və onun ekranı üzərində kənarları əyilmiş 3D şüşə yerləşdirilib. Ölçülərindən asılı olmayaraq hər iki saatın gövdəsində interfeys idarəetməsi üçün iki ədəd fiziki düymə və ürək döyüntülərinin təyin edilməsi üçün optik ötürücülər yerləşdirilib. Hər iki smart saat modeli Kirin A1 prosessoru ilə təchiz olunub. Bu prosessor məhz bu cür daşınıla bilən cihazlar üçün hazırlanıb.

    Bu, dünyada Bluetooth 5.1Bluetooth 5.1 EE dəstəkli ilk prosessor modelidir. Öz prosessorundan istifadə sayəsində 46 mm ölçülü model bir dəfə şarj olunandan sonra 2 həftə, 42 mm ölçülü model isə 1 həftə çalışa bilir. Huawei Watch GT2 vasitəsilə musiqini idarə etməkdən əlavə olaraq saatın yaddaşına həmçinin 500 ədəd musiqi də yazmaq mümkündür.

    Bununla yanaşı yeni smart saatlar vastəsilə daxil olan zənglərə cavab vermək olar. Yeni növ Bluetooth versiyasının dəstəklənməsi sayəsində isə istifadəçi qolunda bu saat olan zaman o, smartfondan 150 metr məsafədə uzaqlaşa bilər. Yeni smart saatlar həm də 15 idman növünü, stress səvyyəsini, yuxu keyfiyyətini, ürək döyüntüsü ritmini təyin edə bilirlər. Onu da qeyd etmək lazımdır ki, smart saatlarda olan GPS modul vasitəsilə onların harda yerləşdiklərini təyin etmək mümkündür. Huawei Watch GT2 gələn ay satışa çıxacaq. 42 mm ölçülü model 229 avroya, 46 mm ölçülü model isə 249 avroya satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple AirPods Pro 2 qulaqlıqlarının render fotoları və yeni məlumatları təqdim e..

Vaxtı ikən AirPods 3 qulaqlıqlarının fotolarını təqdim etmiş 52audio saytı bu dəfə AirPods Pro 2 qul..


Apple şirkətinin qarışıq reallıq (AR + VR) cihazı gələn ilin əvvəlində satışa çı..

Məşhur analitik Ming-Chi Kuo Apple şirkətinin qarışıq reallıq (AR + VR) cihazının satış tarixi barəs..


ABŞ-da bakteriyalar əsasında yeni bioloji batareya yaradılıb

Nyu-York ştatında yerləşən Binhemton Universitetinin mütəxəssisləri bakteriyalar əsasında enerji bat..


Yaxın zamanda smartfonlar üçün 240 vatt gücündə sürətli şarj texnologiyası istif..

İnternet resursların verdikləri məlumata əsasən yaxın zamanda smartfonların batareyaları üçün nəzərd..


Huawei yeni naqilsiz FreeBuds Pro 2 qulaqlıqlarını təqdim edib - QİYMƏTİ

Huawei şirkəti naqilsiz FreeBuds Pro 2 qulaqlıqlarını təqdim edib.


Amazon Alexa hətta vəfat etmiş insanların səsləri vasitəsilə danışa biləcək..

Amazon şirkəti dünən Las Veqasda keçirilmiş Re:Mars adlı konfrans çərçivəsində etik nöqteyi nəzərdən..

×