RMS Titanic şirkətinin ekipajı, Dino Chouest adlı təchizat gəmisi vasitəsilə Titanik qalıqlarının koordinatlarına çatıblar. 1980-ci illərdə artefaktlar axtaran bir qrup iş adamı tərəfindən qurulan RMS Titanic, son bir neçə ildir ki, Titanik qalıqlarına girişi effektiv şəkildə idarə edir. Şirkət, dağıntılardan artefakt toplamaq üçün qanuni olaraq icazə verilən yeganə təşkilatdır. RMS Titanic, tapdığı artefaktları ayrı-ayrılıqda sata bilməsə də, kolleksiya şəklində sata və ya sərgi aça bilər.

     RMS Titanic, 2 dalğıc robotunu Titanik qəzasının 2 mil yarım yuxarısından buraxacaq. Uzaqdan idarə olunan nəqliyyat vasitələri (ROVs) kimi tanınan robotların okean dibinə çatması ən azı 2 saat çəkəcək. Daha sonra isə robotların yüksək dəqiqlikli kameraları və xüsusi işıqlandırmalarından istifadə edilərək qalıqların 65K keyfiyyətdə şəkilləri çəkiləcək. Ekipaj, dağıntı sahəsinin və dağıntı ərazəsinin ilk ucdan-uca xəritələmə görüntüsünü çəkməyi hədəfləyir. Onlar bu məlumatları ödənişli sayt abunəçiləri və sosial media izləyiciləri ilə paylaşacaqlar. Bu ekspedisiya, heç bir artefaktı bərpa etməyəcək, çünki ROV-lər yalnız təsvir məqsədləri üçün istifadə olunacaq.