Çin alimləri ənənəvi litium batareyalarından demək olar ki, iki dəfə çox enerji sıxlığına malik su əsaslı akkumulyator hazırlayıblar. Tədqiqatçıların fikrincə, bu yeni akkumulyator növü elektrik avtomobillərində istifadə oluna bilər və həmçinin çox tez alışan litium batareyalardan daha az təhlükəlidir. Nature Energy-də dərc olunan araşdırmaya görə, yod və brom əsaslı su əsaslı akkumulyator, ənənəvi litium batareyaların 700Wh/L ilə müqayisədə litr başına 1200 vatt-saat (Wh/L) enerji sıxlığına malikdir. Tədqiqatçılar bildirirlər ki, onların yeni həll üsulu yüksək enerji sıxlığı və təhlükəsiz təkrar doldurulan su əsaslı batareyaların yeni nəslinin inkişafı üçün perspektivli potensial yol göstərir.

     Bu gün avtomobillərdən tutmuş smartfonlara qədər geniş çeşiddə məhsullarda istifadə edilən litium batareyalara yüksək enerji sıxlığına malik olduğunu üçün daha çox üstünlük verilir. Bununla belə, ənənəvi litium batareyaları doldurmağa və boşaltmağa imkan verən bir komponent olan elektrolit yüksək alovlanma qabiliyyəti ilə risk faktoru olmağa davam edir. Su əsaslı elektrolitdən ibarət “sulu batareyalar” isə eyni təhlükəsizlik risklərini daşımır. Tədqiqatçılar qeyd edirlər ki, 200Wh/L-dən aşağı olan mövcud su əsaslı batareyalar litium batareyaları ilə müqayisədə daha az enerji sıxlığına (bir batareyanın çəkisi və ya həcmi ilə müqayisədə tutduğu enerji miqdarı) malikdir. Bu vəziyyət, bu tip batareyaların yalnız geniş miqyaslı istifadəsi üçün uyğun hala gətirir.

     Bu problemi həll etmək və enerji sıxlığı problemlərini aradan qaldırmaq üçün tədqiqatçılar brom və yoda əsaslanan elektrolit hazırladılar. Bu elektrolit kadmium əsaslı anodlu akkumulyatora quraşdırıldıqda, batareyanın 300-dən çox doldurma və boşalma dövrü üçün 78 faiz enerji səmərəliliyi ilə davamlı olaraq işlədiyi aşkar edildi. Tədqiqatçılar elektrolitlərini vanadium anod ilə sınaqdan keçirən zaman, batareyaların ömrünün 1000 dövrə qədər uzadıla bilinəcəyini kəşf etdilər.

     Alimlər müəyyən edirlər ki, onların batareyasının enerji sıxlığı hətta bəzi bərk elektrod materiallarının enerji sıxlığını üstələyir və qiymət baxımından ənənəvi litium batareyaları ilə oxşar ola biləcəyini də ortaya qoyur. Bununla başqa, alimlər bu batareyaların şəbəkə miqyaslı enerji anbarında və hətta elektrikli nəqliyyat vasitələrində istifadə edilə biləcəyi ifadə edilir.