İsveçrə startapı, real beyin hüceyrələrindən istifadə etməklə süni intellektdə yeni dövr açmağı planlaşdırır. FinalSpark, riyazi tapşırıqları yerinə yetirmək üçün öyrədilə bilən insan neyronlarından hazırlanmış biokompüterlər hazırladığını açıqlayıb. FinalSpark, alimlərə bu bioloji kompüterlərə daxil olmaq imkanı verən bulud xidməti hazırlayıb. Neuroplatform adlanan xidmət, silikon çiplər əvəzinə minlərlə beyin hüceyrəsi olan orqanoidlərdən istifadə edir. O, çox kiçik miqyasda insan beyninin strukturunu və funksiyasını təqlid edə bilir.

     FinalSpark tədqiqatçıları, həmçinin xüsusi stimullaşdırma üsulları vasitəsilə orqanoidlərin sinir əlaqələrini proqramlaşdırmağın yeni yollarını kəşf ediblər. Şirkət, müəyyən dozalarda dopamin və ya elektrik siqnalları göndərməklə insan beynini təqlid etməyin mümkün olduğunu bildirib. Bildirilib ki, təlim nəticəsində orqanoidlər yeni neyron şəbəkələri yaradıblar. Bu o deməkdir ki, o, insan beyninə bənzər neyron şəbəkə yaradır və məlumatı saxlaya bilir. FinalSpark, indiyə qədər dünyanın müxtəlif ölkələrindən onlarla alimlə razılaşma əldə etdiyini bildirib. Şirkət, 500 dollar ödəyən tədqiqatçılara biokompüteri icarəyə verəcəyini də söyləyib. Bioloji hesablamalar hələ ilkin mərhələdə olsa da, gələcəkdə silikon çiplərə əsaslanan standart əməliyyatları sonlandıra bilər.