İstifadəyə verildikdən 1 saat sonra pilotsuz avtobus qəzaya düşdü
Elm & Texnologiya
09.11.2017
Farid Pardashunas
Pilotsuz avtomobillər istehsalçıları mütəmadi olaraq öz texnologiyalarını təcrübi səviyyədən şəhər küçələrində istifadəyə verilməsi mərhələsinə keçid edirlər.
Lakin bu cür proseslər heç də həmişə
uğurla sonlanmır. Digital Trends saytının verdiyi xəbərə əsasən Las Veqasda
istifadəyə verilmiş ilk pilotsuz avtobus reysi 1 saatdan sonra qəzaya
uğradı. Las Veqasda pulsuz pilotsuz avtobus sisteminin işə salınması “AAA” adlı
şirkət və “Keolis” sərnişin daşınması tərəfindən hazırlanmış təcrübi layihənin
bir hissəsidir. Bu layihənin məqsədi insanların pilotsuz nəqliyyat növünə olan
reaksiyalarını təyin etmək və texnologiyanın real şəhər mühitində necə
çalışacağını müəyyən etməkdir. Faktiki olaraq bu layihə Las Veqasda ilin əvvəlindən
fəaliyyət göstərən xidmətin bir hissəsidir.
Sözügedən elektrobus Fransanın “Navya”
adlı texniki şirkəti tərəfindən təqdim olunub. Qeyd etmək lazımdır ki, bu şirkət
həmçinin öz avtopilot texnologiyalarını ABŞ-ın digər yerlərində də test edir.
Avtobus 8 nəfər sərnişini özündə yerləşdirə bilir və onun maksimal sürəti
saatda 44 km-dir. Lakin buna baxmayaraq şəhər mühitində o daha da ləng şəkildə
hərəkət edəcək. Təhlükəsiz naviqasiya üçün o, lidar və GPS-dən istifadə edir.
Sükan arxasında sürücü olmasa da, avtobusda onun iş prosesinə nəzarət edən mühəndis
olur. Elektrobus reysinin işə salınmasından 1 saat sonra baş vermiş qəza hadisəsi
əslində texnologiyanın günahı ilə deyil, insanın günahı ucbatından baş verib.
Belə ki, həmin qəza hadisəsinə elektrobusun önünə anidən çıxan yük maşınının
sürücüsü səbəb olub. Bu zaman elektrobus vaxtında dayansa da yük maşını ona tərəf
hərəkət etməkdə davam edib və avtobusun ön hissəsinə dəyib. Hadisə zamanı
elektrobusda bir neçə sərnişin olsa da onlara zərər dəyməyib. Hər iki nəqliyyat
növü də zərər çəkməyib. Qəza hadisəsinə baxmayaraq sözügedən elektrobus reysini
bərpa ediblər. Bu qəza hadisəsinin qaçılmaz olması və ya elektrobusun proqram təminatının
digər ayarları halında bu qəzanın baş verməyəcəyi ehtimalının olması hələki bilinmir.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!