"Kalkulyator-insan": 14 yaşlı yeniyetmə 1 gündə riyaziyyat üzrə 6 dünya rekorduna imza atıb
Elm & Texnologiya
24.02.2025
Emil
Birləşmiş Ərəb Əmirliklərinin Dubay şəhərində keçirilmiş Ginnes Rekordlar Kitabı tədbirində 14 yaşlı hindistanlı Aaryan Shulka bir gündə altı fərqli mental hesablamada dünya rekordu qırıb. Bu barədə Live Science məlumat yayıb. İstedadlı yeniyetmə riyazi hesablamaları yalnız zehnində apararaq yeni rekordlar müəyyənləşdirib və ona verilən "Kalkulyator-insan" adını tamamilə doğruldub. Onun bu nailiyyətləri artıq Ginnes Rekordlar Kitabına daxil edilib. Xatırladaq ki, ötən il həvəskar bir riyaziyyatçı indiyə qədər tapılmış ən böyük sadə ədədi müəyyən etmişdi. Aaryan Shulka-nın atası isə bildirib ki, oğlunun bu mükəmməl riyazi qabiliyyəti ailədən gəlmir, çünki ailədə heç kim bu cür qeyri-adi bacarıqlara malik deyil. Aaryan Shulka aşağıdakı mental hesablamalar üzrə Ginnes rekordlarını müəyyən edib:
- 100 dörd rəqəmli ədədi zehnində toplamaq üçün ən sürətli vaxt - 30.9 saniyə;
- 200 dörd rəqəmli ədədi zehnində toplamaq üçün ən sürətli vaxt - 1 dəqiqə 9.68 saniyə;
- 50 beş rəqəmli ədədi zehnində toplamaq üçün ən sürətli vaxt - 18.71 saniyə;
- İki beş rəqəmli ədəd qrupunu (10 misal) vurmaq üçün ən sürətli vaxt - 51.69 saniyə;
- İki səkkiz rəqəmli ədəd qrupunu (10 misal) vurmaq üçün ən sürətli vaxt - 2 dəqiqə 35.41 saniyə;
- On ədəd 20 rəqəmli ədədi on ədəd 10 rəqəmli ədədə bölmək üçün ən sürətli vaxt - 5 dəqiqə 42 saniyə.
Zehnində hesablamalar aparan insan rəqəmləri insanlardan daha sürətli hesablayır, hətta əksəriyyətin kalkulyatorda yığmaq üçün sərf etdiyi vaxtdan qısa müddətdə nəticəyə çatır. Shulka bu unikal bacarığının səbəbini yoqa ilə aktiv məşğul olması ilə izah edir. Onun sözlərinə görə, yoqa ona sakitliyi və diqqətini qorumaqda kömək edir. Bundan əlavə, o, hər gün 5-6 saat riyaziyyatla məşğul olur, lakin eyni zamanda kitab oxumağa və video oyunlara da vaxt ayırır. Shulka mürəkkəb riyazi məsələləri həll edən yeganə yeniyetmə deyil. 3 il əvvəl amerikalı məktəblilər Ne'Kiya Jackson və Calcea Johnson 2000 illik Pifaqor teoremini yeni, qeyri-mümkün hesab edilən üsulla sübut ediblər. Onlar bu teoremi sübut etmək üçün triqonometriyadan istifadə ediblər, halbuki bu metodla sübutun mümkün olmadığı düşünülürdü.
Mənbə: Live Science
Paylaş
Bənzər xəbərlər
Elm & Texnologiya
Günəş sistemində daha bir obyektin səthaltı okeana sahib olduğu güman edilir
Alimlər Yupiterin peyki olan Avropada artıq maye sudan ibarət səthaltı okeanın mövcud olduğuna dair çoxlu sübutlara malikdirlər. Hətta orada yadplanetli bioloji həyatın ola biləcəyi ehtimal edilir.
Elm & Texnologiya
Erkən kainatda ulduzlar "pambıqvari" buludlarda formalaşıblar
Bütün ulduzlar molekulyar qaz buludlarında formalaşır - bu buludların bəzi hissələri qravitasiyanın təsiri ilə sıxılaraq yeni ulduzların doğulmasına səbəb olurlar. Bu nəhəng qaz buludları yüzlərlə işıq ili boyunca uzana bilər və minlərlə ulduz formalaşdıra bilərlər.
Elm & Texnologiya
Yarasalarda COVID-19-a bənzər yeni virus aşkar edilib
Yarasalarda yeni təhlükəli virus aşkar edilib - o, son pandemiyaya səbəb olan yoluxma mexanizmlərindən istifadə edir və potensial olaraq insanlıq üçün risk yaradır. Lakin alimlər hələ də ümidverici faktorların olduğunu bildirirlər.
Elm & Texnologiya
Alimlər yadplanetli həyatın axtarışı üçün fərqli üsul təklif ediblər
Yerdənkənar həyatın aşkar edilməsi müasir astronomiyanın ən cəlbedici və eyni zamanda ən çətin hədəflərindən biridir. Lakin hətta ən güclü teleskoplar, məsələn, James Webb, bioloji izləri aşkar etmək gücündə deyil.
Elm & Texnologiya
Aktiv səsboğucu sistemli qulaqlıqlar eşitmədə problemlər yarada bilərlər
Böyük Britaniyanın audioloqları aktiv səsboğucu sistemlərə (ANC) malik qulaqlıqların eşitmə orqanlarına, xüsusilə gənclər arasında, mümkün mənfi təsiri barədə narahatlıqlarını ifadə ediblər.
Ən çox oxunanlar
Google Pixel 9a-nın reklam fotoları təqdim edilib
