Kosmosun dərinliklərindən gəlmiş 20-dən çox radiosiqnal qeydə alınıb

     Astronomlar kosmosdakı radiosiqnalları filtrdən keçirtmək və onların mənbələrini müəyyən etmək üçün xüsusi bir sistem yaradıblar. Alimlər qəfil yaranan və bir neçə saniyə və ya daha az müddətdə yox olan parlaq enerji partlayışlarını araşdırıblar. Onlar, böyük həcmli məlumat axınları arasında nadir radiosiqnalları seçə bilən yeni bir sistemi sınaqdan keçiriblər. Araşdırma, "Publications of the Astronomical Society of Australia" jurnalında dərc olunub. Alimlər dərin kosmosdan gələn sirli radiosiqnalları sürətli radio partlayışları adlandırırlar. Bunlar elə güclü radiodalğalardır ki, bir anlıq yaydıqları enerji Günəşin bir gündə yaydığı enerji ilə müqayisə edilə bilər.

     Bu siqnalların nədən qaynaqlandığını heç kim dəqiq bilmir, lakin onlar kosmosda gözlənilmədən peyda olurlar. Alimlər bu parlaq enerji partlayışlarını ilk dəfə 2007-ci ildə aşkar edildikdən bəri tədqiq edirlər, lakin onlar hələ də qəribə dəyişkənlikləri ilə alimləri təəccübləndirirlər. Yeni CRACO analiz sistemi ilk sınaq zamanı bu sürətli radiosiqnallardan ikisini aşkar etməyə kömək edib. Bundan əlavə, sistem daha 20-dən çox sürətli radiosiqnalı müəyyənləşdirib, bu da gözlənilməz bir uğur olub. CRACO sistemi, Avstraliyada yerləşən ASKAP radioteleskopunun topladığı böyük həcmli məlumatları analiz edən güclü kompüterlərdən ibarət bir qurğudur.

     Bu sistem lazımsız siqnalları filtrdən keçirərək qəfil yaranan radiosiqnalları aşkar edir və qeyd edir. Astronomlar, həmçinin uzunmüddətli tranzientləri də (ani baş verən enerji partlayışları / məsələn supernova partlayışları) aşkar ediblər. Bunlar sürətli radiosiqnallar ilə müqayisədə daha uzun müddət parlaq qalan obyektlərdir. Bu obyektlər qalaktikamızda qeyri-adi varlıqlar kimi görünür, lakin hələ də sirr olaraq qalırlar, çünki onların təbiəti dəqiq bilinmir. Bəzi tranzientlər müəyyən olunmamış intervallarla sönüb-yanır, bu da onları qeyri-müntəzəm davranışlı obyektlərə çevirir. Belə nizamsız aktivlik onların aşkarlanmasını çətinləşdirir.

     Kosmosda radiosiqnalların haradan gəldiyini bilmək alimlərə onların uzaq qalaktikalardan, yoxsa daha yaxın mənbələrdən yayıldığını müəyyən etməyə kömək edir. Hər bir radiosiqnal və ya tranzient, onları yaradan mühit haqqında vacib məlumatlar verə bilər. Alimlər hesab edirlər ki, sürətli radiosiqnallar milyardlarla işıq ili məsafə qət edə bilər və bu müddətdə onlar maddənin paylanması ilə bağlı izlər daşıyırlar. Bu isə əks halda görünməz qalacaq kosmik strukturların aşkarlanmasına kömək edə bilər. Radiosiqnalın dəqiq mövqeyi müəyyən edildikdə, astronomlar onu optik məlumatlarla müqayisə edirlər. Əgər həmin ərazidə qalaktika aşkar edilərsə, bu, sirli radiosiqnalların yaranmasına səbəb olan mümkün proseslər barədə ipucu verə bilər.

Mənbə: Earth.com

Bənzər xəbərlər

Elm & Texnologiya

Planetimiz yeni qorxulu iqlim mərhələsinə keçid edib

Planetimiz rəsmi olaraq 2015-ci ildə imzalanmış Paris İqlim Sazişinin (COP) prioritet hədəfi kimi müəyyən edilmiş 1.5 dərəcə Selsi həddini keçib.

Elm & Texnologiya

Uranın peyki Ariel potensial olaraq səthaltı okeana sahibdir

Hazırda alimlər hesab edirlər ki, Yupiter, Saturn, eləcə də Neptun və Uranın bəzi peykləri su dünyalarıdır. Yəni onların səthlərində olan qalın buz qatının alt hissəsində maye şəklində sudan ibarət okean mövcuddur.

Elm & Texnologiya

İnsanlar hələ də təkamül prosesindədirlər (VİDEO)

Təkamül - Yer üzərində həyatın müxtəlifliyini formalaşdıran fasiləsiz bir prosesdir. Bu proses təbii seçmə, mutasiyalar və adaptasiyalardan ibarətdir və canlıların dəyişən mühit şərtlərinə uyğunlaşaraq sağ qalmasına və inkişaf etməsinə kömək edir.

Elm & Texnologiya

2100-cü ilə qədər Arktika qlobal istiləşmə səbəbilə tanınmaz hala gələcək

2024-cü ildə planetin orta illik temperaturu ilk dəfə olaraq sənaye dövründən əvvəlki səviyyə ilə müqayisədə 1.5 dərəcə Selsidən çox artdı. Bu, Sahara səhrasında rekord səviyyədə yağıntılar və daşqınlar, eləcə də bütün dünyada anormal dərəcədə isti yay kimi ekstremal hava hadisələrinə səbəb oldu.

Elm & Texnologiya

Yer kürəsinin 2032-ci ildə asteroidlər toqquşma ehtimalı 2 dəfə yüksəlib

2024 YR4 adlı asteroid ilə bağlı aparılmış yeni müşahidələr onun trayektoriyası haqqında daha çox məlumat toplamağa imkan verib. Əlavə məlumatlar alimləri bu göy cisminin Yer kürəsi ilə birbaşa toqquşması ehtimalını artırmağa vadar edib.