MediaTek və TSMC şirkətləri dünyanın ilk kommersiya məqsədli 3 nanometrlik prosessorunu yaratdıqlarını elan ediblər. Bu iki şirkətin elanı iPhone 15 smartfon seriyasının təqdimatından öncə verilib. Qeyd etmək lazımdır ki, iPhone 15 Pro modellərinin məhz 3 nanometrlik A17 Bionic prosessoru vasitəsilə çalışacaqları güman edilir. MediaTek öz növbəsində 3 nanometrlik prosessorunun adını açıqlamayıb. Lakin onun dəqiq Dimensity seriyasına aid olduğu dəqiqdir.

    Analitiklərin fikirlərinə əsasən çox güman ki, söhbət, yaxın zamanda təqdimatı gözlənilən Dimensity 9300-dən getmir. Hələ bir neçə müddət bundan öncə məlum olmuşdu ki, 3 nanometrlik prosessor mövzusunda TSMC şirkəti hələ ki, Apple şirkəti üçün çalışır. Yəni TSMC 3 nanometrlik prosessorları hələ ki, Apple üçün istehsal edəcək. Görünür, məhz bu səbəbdən MediaTek özünün 3 nanometrlik prosessorunun istehsalını gələn ilə təxirə salıb. Rəsmi məlumata əsasən MediaTek-in 3 nanometrlik prosessoru 4 nanometrlik məhsullardan 18% daha performanslıdır. Bununla yanaşı 3 nanometrlik prosessor 32% daha az enerji sərf edir.