Microsoft şirkəti Internet Explorer brauzerinə olan dəstəyi sonlandıraraq Chromium bazasında 0-dan hazırlanmış (Opera, Chrome kimi) Edge brauzerini təqdim etmişdi. Şirkət tərəfindən daimi olaraq optimizasiya edilən Edge brauzeri istifadəçilər tərəfindən olduqca bəyənildi və Chrome-un yeni rəqibi olaraq görülməyə başlandı. İndi isə Microsoft-un son vaxtlarda Edge brauzerinde etdiyi optimizasiyalar ilə bağlı məqalə yayımlandı. Baxaq görək Microsoft nə kimi optimizasiyalar edib?

        Bundan başqa Edge 83 ilə birliktə Link-Time Optimizations əlavə edilmişdi. Bu 2 optimizasiya hesabına Speedometer 2.0 performans testlərində Edge brauzeri əvvəlki versiyalardan 13% daha yaxşı performans göstərə bilib. Bu da qısa zaman ərzində ciddi performans artışı deməkdir. Bundan başqa Windows 10-un May ayında yayımlanan 2004 versiyası ilə birliktə Edge brauzeri Win32 tətbiqlərində istifadə edilən resurs istifadəsini azaldan bir optimizasiya daha əldə etmişdi. Beləliklə Edge brauzeri performans itirmədən 27% daha az ram istifadə etməyə başladı. Lakin bununla bitmir. NetMarketShare tərəfindən paylaşılan statistikaya əsasən Edge brauzeri son aylarda ciddi dərəcədə istifadəçilər arasında populyarlıq qazanmağa başlayıb. Beləki istifadə edən istifadəçi sayı elə artıb ki, Mozilla Firefox brauzerini keçərək ən çox istifadə olunan 2-ci brauzer olub. İlk sırada isə həmişəki kimi Google Chrome brauzeri dayanır. Növbəti illərdə Edge brauzerinin bazar payının daha da artması gözlənilir.