İyulun 12-də Missy Elliott-un 1997-ci ildə yazdığı "The Rain (Supa Dupa Fly)" mahnısı kosmosa buraxılıb. Deep Space Network (DSN) vasitəsilə ötürülən mahnı, 108 milyon kilometr uzaqlıqdakı Venerada oxudulub. Sənətçi Missy Elliott isə kosmosa olan sevgisi ilə tanınır. NASA-nın kosmos missiyaları üçün əsas rabitə sistemi olan DSN, bütün dünyada kütləvi radio antenalarından istifadə edərək əlaqə qurur. Son olaraq 34 metrlik anten, işıq sürəti ilə Veneraya tezliklər göndərmək üçün istifadə edilib.

     Mövzu ilə bağlı açıqlama verən Elliott, "NASA və Dərin Kosmos Şəbəkəsi vasitəsilə Yerdən kənara çıxdığıma hələ də inana bilmirəm" sözlərini deyib. Elliott, mahnısının Veneraya şüalanmasını istəyib və bildirib ki, bu planet, onun üçün “güc, gözəllik və güclənməyi simvollaşdırır”. NASA administratoru Brittany Brown, bu əməkdaşlığın əhəmiyyətinə diqqət çəkib. O, Yerdən aldıqları ilhamı Günəş sistemi ilə paylaşdıqlarını ifadə edərək "Biz həm kosmos tədqiqatlarının, həm də Missy Elliott-un sənətinin sərhədlərini aşmaq istədik" sözlərini söyləyib.