Analitikin fikrincə OLED ekranların təchizi ilə “Samsung” şirkəti özü birbaşa məşğul olur. Bu isə öz növbəsində şirkətə, ekranlara yüksək qiymət təyini imkanını verir (bir telefon üçün 120-130$). iPhone 7 Plus-ın ekranının qiyməti isə 55$-dan baha deyil. Bundan əlavə olaraq “Samsung” şirkəti tərəfindən iPhone 8 üçün məhdud sayda ekran təqdim etməsi nəticəsində bu smartfon da məhdud sayda satışa çıxa bilər. Ming-Chi düşünür ki, “Apple”, OLED ekranların istehsalı ilə məşğul olan daha bir şirkət tapmalıdır və o artıq bunun üzərində çalışır. Şaiyələrə görə “Apple”, “LG”nin OLED istehsalına investisiya yatıracaq. Lakin bu cür investisiya 2019-cu ildə baş verə bilər. Bununla yanaşı belə bir məlumat var ki, şirkət, OLED istehsal texnologiyasını incələmək üçün külli miqdarda avadanlıqlar alıb. Güman olunur ki, iPhone 8-in qiyməti 1000$-dan başlayacaq. Analitikin fikrincə yüksək qiymət göstəricisi həmçinin yeni modeldə olacaq istifadəçi üzünün 3D skan texnologiyası ilə də əlaqəlidir.