Nokia 1-in güman olunan ilk fotoları sızdırıldı

10.01.2018 0 PAYLAŞIM 374 OXUNMA

Ehtimal ki, bu, hələ anonsu olmamış Nokia 1 modelinin ilk fotolarıdır.

Məlumatlara əsasən bu model "HMD Global” şirkətinin Nokia seriyasında 95$ qiymət göstəricisi ilə ən əlçatan olmalıdır. Şayiələrə inansaq sözügedən yeni model Nokia 2-yə bənzəyəcək və 720p keyfiyyətli IPS ekranla təchiz olunacaq. Həmçinin o, 1 GB RAM və 8 GB daxili yaddaşa sahib olacaq. Metallik çərçivələr və polikarbonatdan hazırlanmış korpus bizi köhnə Nokia vaxtlarına geri qaytaracaq. Güman olunur ki, Nokia 1 Snapdragon 212 prosessoru sayəsində çalışacaq. Həmin prosessor həmçinin Nokia 2-də də quraşdırılıb.


Maraqlısı ondadır ki, Nokia 1 Android Go əməliyyat sistemi üzərində çalışacaq. Qeyd etmək lazımdır ki, bu əməliyyat sistemi texniki göstəriciləri zəif olan modellər üçün nəzərdə tutulur. Nokia 2 isə tam versiya Android üzərində çalışır. İnternetə sızdırılmış fotolarda Nokia 1 keysdə və keyssiz vəziyyətdə əks olunub. Smartfonun arxa panelində kamera və işıqlandırma sistemi var. Əgər fotolar həqiqətən də düzdürsə onun anonsunu gələn ayın sonunda keçiriləcək MWC 2018 tədbirində gözləmək olar.