Hələ bir neçə müddət bundan öncə məlum oldu ki, OnePlus şirkəti Nord Buds 2 naqilsiz qulaqlığının yeni versiyası üzərində çalışır. Söhbət, Nord Buds 2R-dən gedir. İndi isə sözügedən yeni naqilsiz qulaqlığın qutusunun fotosu təqdim edilib. Təqdim edilmiş qutu fotosundan da görmək olar ki, Nord Buds 2R xarici görünüşcə Nord Buds 2-yə bənzəyəcək. qulaqlıqlar vakuum konstruksiyasını və ağ rəngli gövdəni əldə edəcəklər. Bəzi məlumatlara əsasən Nord Buds 2R modeli orijinal Nord Buds 2-nin sadələşdirilmiş versiyası olacaq. Onun 70 avro qiymətində satılacağı gözlənilir. Qulaqlıqların texniki özəllikləri barəsində dəqiq bir məlumat yoxdur. Çox güman ki, Nord Buds 2R naqilsiz qulaqlığı OnePlus Nord 3 smartfonu ilə birlikdə iyul ayında təqdim ediləcək.