Parçalanması üçün tərkibində bakteriyalara sahib yeni növ plastik material yaradılıb
Elm & Texnologiya
06.05.2024
Farid Pardashunas
Mikrobioloqlar geniş şəkildə yayılmış bəzi plastik növlərini həzm edə bilən bir neçə bakteriya ştamını müəyyən ediblər. Mütəxəssislər müəyyən edilmiş bakteriyaları yeni növ qablaşdırma materialının hazırlanmasında istifadə etməyi qərara alıblar və nəticə onları yaxşı mənada təəccübləndirib. Plastikin yaradılmasında polimerlərdən (bir-biriləri ilə əlaqəli olan eyni strukturlu uzun molekul zəncirləri) istifadə edilir. Polimerlərin isə kimyəvi yol ilə parçalanması böyük enerji sərfiyyatını tələb edir. Buna alternativ qismində mütəxəssislər polimerlərin kimyəvi əlaqələrini xüsusi ferment sayəsində parçalamağa qadir olan bakteriyalara müraciət ediblər.
Bakteriyaların bu prosesə vaxtından əvvəl start verməmələri üçün mütəxəssislər Bacillus subtilis adlı bakteriya növünü spor şəklində termoplastik poliuretana yerləşdiriblər. Qeyd etmək lazımdır ki, termoplastik poliuretan ən geniş yayılmış plastik materiallardan biridir. Beləliklə mütəxəssislərin istifadə etmiş olduqları bu üsul bakteriyaların, plastik materialın yalnız təkrar emalı zamanı aktivləşmələrinə imkan verir. Bacillus subtilis adlı bakteriya növünün əsas özəlliyi ondan ibarətdir ki, o, insanın termoplastik poliuretan tərkibli məhsuldan istifadə etdiyi müddətcə yatmış şəkildə olur. Məhsulun təkrar emalı zamanı isə bu bakteriya yuxudan oyanır və polimerlərin parçalanması prosesinə start verir.
Daha öncə güman edilirdi ki, plastikdə bioloji materialın istifadəsi plastik materialın dözümlülük özəlliklərini zəiflədəcək. Lakin mütəxəssislər əks effektə nail olublar. Məlum olub ki, tərkibində bakteriya sporunu birləşdirən plastik material digər analoqlardan daha dözümlüdür. Bu isə bakteriyaların su keçirməyən səthləri ilə bağlıdır. Belə ki, onların səthləri polimer birləşmələri ilə qarşılıqlı əlaqədə olurlar və həmin birləşmələri daha da bərkidirlər. Plastik materialın, bakteriyaların istifadəsi ilə yeni istehsalat növünün nə zaman kütləvi şəkildə tətbiq ediləcəyi barəsində bir məlumat verilməyib.
Linki kopyala
Bənzər xəbərlər
Oxşar xəbərlər
Çiy ət məhsullarının tərkiblərində antibiotiklərə dözümlü olan bakteriyalar aşkar edilib
Çiy ət məhsullarının tərkiblərində antibiotiklərə dözümlü olan bakteriyalar aşkar edilib
Mağazalarda satılan çiy ət məhsulları və o cümlədən heyvanlar üçün nəzərdə tutulmuş bəzi yemlər özlərində ciddi təhlükəni birləşdirə bilərlər.
Erkən kainatda bir-biri ilə birləşmiş ilk cüt qalaktika kəşf edilib
Erkən kainatda bir-biri ilə birləşmiş ilk cüt qalaktika kəşf edilib
27 alimdən ibarət beynəlxalq qrup erkən kainatda bir-biri ilə birləşmiş ilk cüt qalaktikanı kəşf ediblər.
Elmə məlum ən kiçik ulduz kəşf edilib
Elmə məlum ən kiçik ulduz kəşf edilib
Alimlər elmə məlum olan ən kiçik ulduzu kəşf ediblər. Kəşf edilmiş ulduz Yer kürəsindən sadəcə 7 dəfə böyükdür.
İlk qara dəliklər ulduzlardan formalaşmamış ola bilərlər
İlk qara dəliklər ulduzlardan formalaşmamış ola bilərlər
İlk ulduzlar ilə qara dəliklər mövzusunda əsas problem toyuq ilə yumurta probleminə bənzəyir. Yəni ilk olaraq hansı formalaşıb?
Elmə məlum ən qədim qara dəlik kəşf edilib
Elmə məlum ən qədim qara dəlik kəşf edilib
Kembric Universitetinin alimləri elmə məlum ən qədim qara dəliyi kəşf ediblər. Kəşf edilmiş qara dəliyin yaşı kainatın yaşına yaxındır.
Həftənin xəbərləri
