NASA-nın 2020-ci ildə kosmosa göndərdiyi Mars kəşfiyyatçısı Perseverance, maraqlı bir hadisənin şahidi olub. Perseverance-in kameraları Marsda baş verən Günəş tutulması hadisəsini qeydə alıb. Gəlin, bu nadir hadisənin detalları ilə yaxından tanış olaq. Marsın kartof formasına bənzəyən bir peyki var. Phobos adlanan bu peyk, ötən günlərdə Günəş ilə Mars arasına daxil olub. Məhz həmin anlar Perseverance tərəfindən qeydə alınıb.

     Phobos, ümumiyyətlə Ay kimi bir peyk deyil. Ən geniş yerindəki radiusu təxminən 12 kilometr olan peyk, dar bir orbitdə hərəkət edir. Ölçmələrə görə, Phobos-un Mars ətrafında dövr etməsi cəmi 7.6 saat çəkir. Buna görə də Yer kürəsində nadir hallarda gördüyümüz Günəş tutulması Marsda demək olar ki, hər gün yaşanır.